اتىراۋدا س. مۇقاشەۆ اتىنداعى پوليتەحنيكالىق جوعارى كوللەدجدە ستۋدەنتتەردٸڭ بٸلٸمٸن تەجٸريبەمەن ۇشتاستىرۋعا ارنالعان جاڭا زاماناۋي وقۋ كابينەتٸ اشىلدى. بۇل باستاما «جۇمىسشى ماماندىق جىلى» اياسىندا جٷزەگە اسىپ, بولاشاق مامانداردىڭ كەسٸبي دايارلىعىن كٷشەيتۋگە باعىتتالدى,- دەپ حابارلايدى Dalanews.kz ٶڭٸرلٸك كوممۋنيكاتسييالار قىزمەتٸنە سٸلتەمە جاساپ.
جاڭا كابينەت «حيمييالىق ٶنٸمدەردٸڭ ورگانيكالىق سينتەزٸ» پەنٸ بويىنشا زەرتحانالىق جۇمىستاردى جٷرگٸزۋگە بەيٸمدەلگەن. وقۋ ورنى زاماناۋي حالىقارالىق ستاندارتتارعا ساي قوندىرعىلارمەن جابدىقتالدى.
"زەرتحانا ستۋدەنتتەردٸڭ تەجٸريبەلٸك ماشىقتارىن جەتٸلدٸرۋگە, ٶندٸرٸستٸك ورتاعا بەيٸمدەلۋٸنە زور مٷمكٸندٸك بەرەدٸ. جاس ماماندار تەك تەورييانى مەڭگەرٸپ قانا قويماي, زاماناۋي قۇرىلعىلاردا جۇمىس ٸستەۋدٸ دە ٷيرەنەدٸ", - دەدٸ ەدٸستەمەلٸك كابينەت مەڭگەرۋشٸسٸ قارلىعاش كٷزەمباەۆا.
سونداي-اق بٸلٸم ورنىنىڭ ماماندارى, زەرتحانا ستۋدەنتتەردٸڭ ەڭبەك نارىعىندا بەسەكەگە قابٸلەتتٸ بولۋىنا جول اشاتىنىن ايتتى.
ايتا كەتەيٸك, “جۇمىسشى ماماندىق جىلى” اياسىندا اشىلعان جاڭا كابينەت «شۇعىلا» دەمەۋشٸلٸك جەنە قايىرىمدىلىق كوميتەتٸنٸڭ قولداۋىمەن اشىلدى.
