Atyraý qalalyq politsiia basqarmasynyń burynǵy basshysy Baqtybek Isaev ishki ister organdarynan teris sebeptermen bosatylyp, ýaqytsha ustaý izoliatoryna qamaldy, dep habarlaidy Dalanews.kz.
IIM málimetinshe, ministrlik júrgizgen josparly qyzmettik tekseris barysynda qala politsiiasy basshysy tarapynan zańǵa qaishy áreketter anyqtalǵan.
Bul derek boiynsha qylmystyq is qozǵalyp, sotqa deiingi tergeý bastalǵan. Ózge málimet tergeý múddesine bailanysty jariia etilmedi.
Ministrlik qabyldanǵan sheshimder zańdylyqty qamtamasyz etý aiasynda júzege asqanyn atap ótti.
Baqtybek Isaev Atyraý óńirinde týǵan. Ortalyq Aziia ýniversitetiniń túlegi. Quqyq qorǵaý salasyndaǵy eńbek jolyn 2003 jyly bastaǵan. 2024 jyly mamyrda Atyraý qalalyq politsiia basqarmasynyń basshysy qyzmetine taǵaiyndalǵan.
