Is-sharada Alǵys aitý kúnimen quttyqtaǵan Atyraý oblysynyń ákimi Mahambet Dosmuhambetov óńir halqyna alǵys aitty.
Atalǵan qurylymdar Táýelsizdiktiń tuǵyrly bolýy úshin erekshe ról atqardy. Olardyń memleket saiasatyn júrgizýdegi, sondai-aq eldegi beibitshilik pen kelisimdi nyǵaitýdaǵy alar orny erekshe, – degen Mahambet Dosmuhambetov biyl Táýelsizdigimizdiń 30 jyldyǵy aiasynda qaiyrymdylyq marafony bastalǵanyn jáne barsha atyraýlyqtardy osy igi iske atsalysýǵa shaqyrdy.
Sonymen qatar, ótken jyl kúlli álem úshin de, elimiz úshin de kúrdeli synaqtarǵa toly bolǵanyna toqtalǵan óńir basshysy tótenshe jaǵdai kezinde atyraýlyqtar qaiyrymdylyqtyń jarqyn úlgisin kórsetkenin rizashylyqpen atap ótti. Sosyn birqatar iri kompaniiaǵa, meditsina men áleýmettik sala qyzmetkerleri, quqyq qorǵaý organy ókilderi, eriktiler, metsenattar sondai-aq muǵalimder jáne ózge de atsalysqandarǵa arnaiy rizashylyǵyn jetkizdi.
Óz kezeginde Qazaqstan halqy assambleiasynyń Atyraý oblysyndaǵy etnomádeni ortalyǵy «Thonil» káris etnomádeni birlestiginiń jetekshisi Liýdmila Valentinovna Assambleiasynyń negizin qalaǵan Elbasyna, yntymaǵy jarasqan Qazaqstan halqyna alǵys aitty.
Atalǵan is-shara sheńberinde qala sondai-aq aýdan ákimderi jergilikti kásipkerler arqyly az qamtylǵan 700 otbasyny jyldyq azyq-túlikpen qamtamasyz etý úshin alǵashqy sertifikattar tabys etiletinin habarlady. Al ondaǵan jyl bir bómeli úide turyp kelgen jeti balaly otbasyǵa demeýshilik arqyly Atyraý qalasynan 2 bólmeli páterdiń kilti berildi.
Al, qaiyrymdylyq marafony sheńberinde oblystyq ishki saiasat basqarmasynyń ujymy onkologiialyq syrqatpen aýyratyn balalar úshin oblystyq balalar aýrýhanasyna 5 dana planshet tabys etti.
