Atyraýdaǵy memlekettik organdardyń jumysyna júrgizilgen tekserister nátıjesinde 500-den astam zań buzýshylyq anyqtaldy. Bul týraly qala prokýrory Rýslan Aıtımov málimdedi, dep habarlaıdy Dalanews.kz "Aq Jaıyqqa" silteme jasap.
Prokýratýranyń aralasýymen 13 myń azamattyń quqyǵy qorǵalyp, 104 kásipkerge jalpy somasy 164 mıllıon teńge qaıtaryldy. Bul qarajat olarǵa kórsetilgen qyzmetter úshin negizsiz tólenbeı qalǵan.
Tekseris nátıjesinde 140 laýazymdy tulǵa tártiptik jaýapkershilikke tartyldy. Olardyń ishinde:
- 4 adam – memlekettik qyzmettiń bedeline nuqsan keltiretin áreketteri úshin etıka keńesinde jazalandy;
- 39 memlekettik qyzmetker – ákimshilik jaýapkershilikke tartyldy, onyń ishinde 5 adam – kásipkerlikke zańsyz aralasqany úshin jazalandy.
Tekserý barysynda buryn jemqorlyq qylmysy úshin sottalǵan tulǵalardyń memlekettik qyzmetke ornalasqany anyqtaldy. Olardy qyzmetke qabyldaýǵa jaýapty basshylar ákimshilik jaýapkershilikke tartyldy, al zańsyz taǵaıyndalǵan sheneýnikter jumystan bosatyldy.
Quqyq qorǵaý organdary memlekettik qyzmette zań buzýshylyqtardy boldyrmaý úshin qadaǵalaýdy kúsheıtýge nıetti.
