اتىراۋداعى مەملەكەتتىك ورگانداردىڭ جۇمىسىنا جۇرگىزىلگەن تەكسەرىستەر ناتيجەسىندە 500-دەن استام زاڭ بۇزۋشىلىق انىقتالدى. بۇل تۋرالى قالا پروكۋرورى رۋسلان ايتيموۆ مالىمدەدى، دەپ حابارلايدى Dalanews.kz "اق جايىققا" سىلتەمە جاساپ.
پروكۋراتۋرانىڭ ارالاسۋىمەن 13 مىڭ ازاماتتىڭ قۇقىعى قورعالىپ، 104 كاسىپكەرگە جالپى سوماسى 164 ميلليون تەڭگە قايتارىلدى. بۇل قاراجات ولارعا كورسەتىلگەن قىزمەتتەر ءۇشىن نەگىزسىز تولەنبەي قالعان.
تەكسەرىس ناتيجەسىندە 140 لاۋازىمدى تۇلعا تارتىپتىك جاۋاپكەرشىلىككە تارتىلدى. ولاردىڭ ىشىندە:
- 4 ادام – مەملەكەتتىك قىزمەتتىڭ بەدەلىنە نۇقسان كەلتىرەتىن ارەكەتتەرى ءۇشىن ەتيكا كەڭەسىندە جازالاندى؛
- 39 مەملەكەتتىك قىزمەتكەر – اكىمشىلىك جاۋاپكەرشىلىككە تارتىلدى، ونىڭ ىشىندە 5 ادام – كاسىپكەرلىككە زاڭسىز ارالاسقانى ءۇشىن جازالاندى.
تەكسەرۋ بارىسىندا بۇرىن جەمقورلىق قىلمىسى ءۇشىن سوتتالعان تۇلعالاردىڭ مەملەكەتتىك قىزمەتكە ورنالاسقانى انىقتالدى. ولاردى قىزمەتكە قابىلداۋعا جاۋاپتى باسشىلار اكىمشىلىك جاۋاپكەرشىلىككە تارتىلدى، ال زاڭسىز تاعايىندالعان شەنەۋنىكتەر جۇمىستان بوساتىلدى.
قۇقىق قورعاۋ ورگاندارى مەملەكەتتىك قىزمەتتە زاڭ بۇزۋشىلىقتاردى بولدىرماۋ ءۇشىن قاداعالاۋدى كۇشەيتۋگە نيەتتى.
