Óńir basshysy Qulsary turǵyndarymen kezdesip, olardyń usynys-talaptaryn tyńdap, sý tasqynynan zardap shekkenderge keltirilgen zalaldy óteý tártibin túsindirdi, dep habarlaidy Tótenshe jaǵdailar jónindegi jedel shtab.
Oblys ákimi Serik Shápkenov apatty turǵyn úidi óteý týraly usynystardy tyńdap, múlki apatty dep tanylǵan zardap shekkenderge ótemaqy naryq quny boiynsha tólenetinin, Qulsary qalasy boiynsha zardap shekkenderdiń arnaiy nysanaly shottaryna shamamen 200-240 myń teńge tólenetinin habarlady.
Atyraý oblysy ákiminiń aitýynsha, sý tasqyny kezinde zardap shekken Qulsary qalasynyń turǵyndary aqshalai ótemaqylardy nysanaly maqsaty boiynsha - jańa turǵyn úi satyp alýǵa, turǵyn úi salýǵa nemese jóndeý-qalpyna keltirý jumystaryna jumsaýǵa tiis.
«Qazir birinshi kezekte sý tasqynynan zardap shekkender baǵalaý qorytyndysymen jáne múlikti tehnikalyq saraptaý qorytyndylarymen tanysyp, aqshalai qarajatty tóleýge óz kelisimin berýi tiis. Tólem eki apta ishinde júrgiziledi», - dedi Serik Shápkenov jinalǵandarǵa.
16 mamyr kúni Jylyoi aýdanynda 3613 otbasy 100 AEK mólsherinde birjolǵy tólem aldy. Tólengen qarajattyń jalpy somasy – 1 mlrd 387 mln teńge.
Sonymen qatar, keltirilgen materialdyq zalal úshin ótemaqy tóleý úshin qujattar daiyndalady. Jyljymaityn múlikke tehnikalyq tekserý jáne baǵalaý júrgizilýde. Qazir barlyǵy 2950 ótinish qabyldanyp, 2697 ótinish qaraýǵa jiberildi, 2624 úige baǵalaý jáne 2671 úige tehnikalyq tekserý júrgizildi. 756 apatty úi anyqtaldy. 15 mamyrdan bastap alty mobildi top Qulsarynyń 100-den astam turǵynynyń úilerine baryp, sý tasqynynan zardap shekken turǵyndardyń múlkine keltirilgen zalaldy baǵalaý jáne tehnikalyq saraptama qorytyndylary boiynsha túsindirý jumystaryn júrgizdi.
15 mamyrda Qulsarynda jyljymaityn múlikti baǵalaý jáne tehnikalyq saraptaý qorytyndylaryn jariialaý boiynsha mobildi toptardyń jumysy bastaldy. Jylyoi aýdanynyń 100-den astam turǵyny baǵalaý paraqtaryn aldy. Eki kún ishinde olar aqshalai ótemaqy alýǵa ótinish jaza alady. Barlyq úiler boiynsha baǵalaý jumystaryn 10 kún ishinde aiaqtaý josparlandy
Atyraý oblysynyń ákimi Serik Shápkenov Qulsary turǵyndarymen kezdesti
Atyraý oblysy ákiminiń baspasóz qyzmeti
