Atyraý oblysynyń ákimi otstavkaǵa ketýge daiyn otyr
Óńir basshysy orynbasary Baqytgúl Hamenovanyń ustalǵany týraly aqparatqa qatysty pikir bildirgenin Atyraý oblysy ákimdiginiń baspasóz qyzmeti jetkizdi.
Ákimdiktiń resmi ókili oblys ákimi buǵan deiin qyzmetinen ketýge daiyn ekenin málimdegenin aitty.
"Mahambet Dosmuhambetov buǵan deiin de zańǵa sáikes sybailas jemqorlyqqa qatysy bar dep kúdikke ilingen orynbasarlarynyń biri sot úkimi boiynsha kináli dep tanylsa, qyzmetinen ketýge daiyn ekenin málimdegen", – dedi ákimdik ókili.
Eske salsaq, ótken aptada Atyraý oblysy ákiminiń orynbasary Baqytgúl Hamenova men oblystyq Mádeniet basqarmasynyń basshysy Aqylbek Rysqaliev para aldy degen kúdikpen ustalǵan bolatyn.
