Atyraý oblysy Mahambet aýdanynda tyshqan qaptap, mektepter men balabaqshalar jabyldy. Buryń sońdy mundai jaǵdaidy kórmegen turǵyndar shoshyp otyr. Jurtta indet tarap keteme degen úrei basym, dep habarlaidy Dalanews.kz.
Mahambet aýdany Beibarys, Taldykól aýyldarynda kemirgish qaptap ketken. Úi ishinde emin erkin júre almai, úlken kisiler indet taraima dep úreili.
Taldykól aýylynyń turǵyny bylai deidi:
«Biz masqara bolyp jatyrmyz. 10 shaqty kún boldy. Úiimiz tyshqanǵa toly. Mysyq ta úlgermei jatyr. Lipýchka da jabystyryp, ý da salyp jatyrmyz. Dezinfektsiia da jasap jatyrmyz. Bul aýrýǵa ákelse, epidemiiaǵa alyp kelse, onda kim jaýap beredi?»
Kemirgishterdiń kesirinen eki mektep, eki balabaqsha ýaqytsha jabylǵan. Óitkeni bul ǵimarattarda da tyshqandar tym kóbeiip ketti. 19 qarashadan beri olar qashyqtyqtan oqýǵa jiberildi.
Mamandar tyshqandardan synama alyp, aýrý belgisi joq depti. Al okrýg ákimi tyshqandar aýyldyń bárinde emes, sýǵa jaqyn, iaǵni shet jaqtaǵy úilerde kóp dep otyr. Ári dalany túgel ýlai almaimyz deidi. Ondai shara tek aýrý shyǵyp, karantinge jabylǵanda ǵana jasalady eken.
Sheneýnikter kemirgishterge qarsy bidaiǵa aralas dárini ár turǵynnyń óz jaýapkershiligine beretinderin aitty.
