Atyraý oblysynda stalker sottaldy, dep habarlaıdy Dalanews.kz.
Aıta keteıik, elimizde Qylmystyq kodekstiń 115-1 («Stalkıng») jańa baby óz kúshine endi.Bul bap boıynsha alǵashqylardyń biri bolyp jaýapkershilikke tartylǵan Qurmanǵazy aýdanynyń turǵyny.
Atyraý oblysynda er adam 2025 jyldyń qyrkúıeginde jábirlenýshiniń úıine júıeli kelip jáne terezesinen syǵalaǵan.
Áıel shamadan tys nazarǵa shydaı almaı, quqyq qorǵaý organyna júgingen.
Áıeldiń psıhologıalyq jaǵdaıyna eleýli zıan keltirgen «yntyzardyń» ańdý áreketin sot zańsyz dep tanyp jáne oǵan 200 saǵat qoǵamdyq jumys jazasyn taǵaıyndady.
Eske sala ketsek, 2025 jyldyń shildesinen kez-kelgen adamnyń erkinen tys qarym-qatynas ornatýǵa tyrysý (egerde bul zıan keltirse) ańdýshy tipti fızıkalyq qol jumsamasa da qylmys bolyp sanalady.
QR QK 115-1-babynyń eń aýyr jazasy retinde: qamaýǵa alý 50 táýlik, aıyppul 200 AEK, qoǵamdyq nemese túzeý jumystary kózdelgen.
