Atyraý oblysyndaǵy Jangeldin aýylynda joǵalǵan otbasyǵa qatysty qylmys ashyldy, dep habarlaidy Dalanews.kz.
2025 jyly jeltoqsanda politsiiaǵa 66 jastaǵy er adam, 64 jastaǵy áiel, sondai-aq, olardyń balalary - 32 jastaǵy uly men 35 jastaǵy qyzy habar-osharsyz ketkeni týraly habarlama túsken.
Týystarynyń aitýynsha, otbasy qarashadan beri bailanysqa shyqpaǵan. Tórteýi de joǵalyp ketken adamdar retinde izdeý jariialandy. Bul derek boiynsha sotaldy tergep-tekserý bastalyp, jedel-tergeý toby quryldy.
"Byltyr jeltoqsannyń aiaǵynda Atyraý qalasynyń turǵyny politsiiaǵa habarlasyp, aǵasy men onyń otbasy uzaq ýaqyt boiy bailanysqa shyqpai júrgenin aitty. Júrgizilgen jedel tergeý is-sharalary nátijesinde óltirilgen adamdardyń máiitteri ártúrli jerlerden kómilgen kúide tabyldy", - dedi QR IIM Kriminaldyq politsiia departamentiniń bastyǵy Qanat Nurmaǵambetov.
6 qańtarda tergeý barysynda saraidyń ishinen erli-zaiyptynyń máiiti tabyldy. Osydan keiin is adam óltirý deregi boiynsha qaita saralanyp, balalardy izdestirý jumystary jalǵasty. Qylmys jasady degen kúdikpen 29 jastaǵy er adamǵa, iaǵni osy otbasynyń burynǵy kúieý balasyna halyqaralyq izdeý jariialandy. Onymen birge erli-zaiyptynyń kishi qyzyna da halyqaralyq izdeý jariialandy. Buryn ol kúdiktimen nekede turǵan.
"Ishki ister ministrliginiń qyzmetkerleri Indoneziia Respýblikasyndaǵy sheteldik áriptesterimen birlesip, osy eldiń araldarynyń birinde Atyraý oblysyndaǵy qylmysqa qatysty kúdiktini ustady. Qazir ol Qazaqstanǵa deportatsiialanyp, ýaqytsha ustaý izoliatoryna qamaldy", - dedi QR IIM Kriminaldyq politsiia departamentiniń bastyǵy Qanat Nurmaǵambetov.
Kúdikti Indoneziiada ustalǵan. Onymen birge otbasynyń kishi qyzy da anyqtalǵan. Ustalǵannan keiin er adam kinásin moiyndaǵan. Onyń kórsetýimen jedel tergeý toby qosymsha tergeý júrgizdi. Atyraýdaǵy úi aýlasyn tekserý barysynda buǵan deiin habar-osharsyz ketken ul men qyzdyń máiitteri tabylǵan.
"Qylmysqa uzaq ýaqytqa sozylǵan turmystyq janjal sebep bolǵan. Tergeý eki jáne odan da kóp adamdy óltirý baby boiynsha júrgizilip jatyr, bul is ministrliktiń baqylaýynda", - dedi Qanat Nurmaǵambetov.
Qazir tergeý jalǵasyp jatyr jáne erekshe baqylaýda. Sondai-aq, otbasynyń kishi qyzynyń bul iske qatysy bar-joǵy tekserilip jatyr. Psihikalyq jaǵdaiyn anyqtaý maqsatynda ol sot-psihiatriialyq saraptama júrgizý úshin meditsinalyq uiymǵa jiberilgen.
