2 qańtar kúni Atyraý oblysy Qyzylqoǵa aýdanyna qarasty Mıaly aýylynda 24 jáne 25 jastaǵy eki jergilikti turǵyn arasynda janjal shyqty. Janjalǵa olardyń biriniń ákesi aralasyp, pyshaq qoldanǵan, dep habarlaıdy Dalanews.kz
Polısıa málimetinshe, janjal kezinde 49 jastaǵy er adam ulynyń qarsylasyna as úı pyshaǵymen jaraqat salyp, onyń sol jaq qulaǵyn kesip alǵan.
Atalǵan derek boıynsha «Densaýlyqqa qasaqana ortasha aýyrlyqtaǵy zıan keltirý» babymen qylmystyq is qozǵaldy.
Atyraý oblystyq polısıa departamentiniń habarlaýynsha, kúdikti tergeý barysynda uly men jábirlenýshi arasyndaǵy janjalǵa aralasý kezinde abaısyzda pyshaqpen sol jaq qulaǵyna zaqym keltirgenin aıtqan.
Qazirgi ýaqytta is boıynsha tergeý amaldary júrgizilip jatyr.
