Atyraý oblysy ákimi brakonerler qorqytqan qyzmetkerlerine dem berdi
– Quqyq qorǵaý organdary basshylarynan jáne ákimdik ókilderiniń tarapynan jebeýshilik kórsetý derekteri bar. Kóptegen hattar alamyn, onda ashyq nemese anonim túrde osy derekter aitylady. Taǵy da habarlaimyn, árbir adam jeke jaýapkershilik arqalaidy. Eshqandai jebeýshilik bolmaýy tiis, osy máseleni sheshýlerińizdi suraimyn. Ózderiniń úsh-tórt qaiyǵyn beretinin aitady, sosyn oǵan tiispeidi, – dedi óńir basshysy Atyraý oblystyq prokýratýrasyndaǵy koordinatsiialyq keńes otyrysynda.
Jiynǵa Atyraý qalasynyń ákimi, oblys ákiminiń orynbasarlary, quqyq qorǵaý organdarynyń basshylary, balyq aýlaý jáne óńdeý kooperativteri óndiristeriniń jetekshileri jáne basqa da organdardyń ókilderi qatysty. Kezdesýde kásipker Ábdibek Bisenov atyraýlyq óndirýshi kooperativterine merdiger bolyp jaldanyp, aýlaý maýsymynda zańsyz balyq aýlap júrgen reseilik balyqshylarǵa qatysty shara qoldanýdy surady.
Onyyń aitýynsha, ótken jyly Qurmanǵazy aýdanynda osylaisha Astrahan oblysynyń 30-40 qaiyǵy balyq aýlaǵan. Al biyl aldaǵy balyq aýlaý maýsymynda olar taǵy da keibir qazaqstandyq kooperativtermen kelisim jasap jatyr-mys.
– Munda shekarashylar bar, bul sizderge de qatysty. Quqyq qorǵaý qyzmetterine aitqan jebeýshilik týraly sóz sizderge de qatysty. Naqty belgileri bar. Astrahan oblysynan kelip, bizdiń tabiǵat paidalanýshylarymyzǵa jaldansa, nelikten olar shekaradan asyp, taýardy áketip jatyr? Mine suraq. Áskeri prokýror, bul sizge de qatysty. Árkim óz ókilettiginiń aiasynda aitylǵan usynystardy uǵyp, ainalysýy kerek, – dedi Noǵaev.
Oblys basshysy alqa qabyldaǵan sheshimge kedergi keltirgen nemese qulaq aspaǵan kez kelgen laýazymdy tulǵaǵa shara qoldanýdyń jolyn tabýǵa ýáde berdi. Sonymen qatar, ákim sheneýnikterdi qorqytyp, otbasylaryn óltirip ketetinin aityp júrgenderdiń isi týraly kóptegen shaǵym túsip jatqanyn aitty.
– Brakonerlikpen kúres amaldaryn qatańdatqan soń maǵan Facebook jelisindegi jazbanyń pikirlerin oqytty. Onda bylai delinedi: «Iá, ákimdik durys baǵytta júrip keledi, bastysy Noǵaevty Edil ózenine tunshyqtyryp óltirmese bolǵany. Bul da ózindik qorqytý ǵoi», – dep keltiredi ákimniń sózin «Moi Gorod». «Arnaiy organdar men quqyq qorǵaý organdarynan osy máselemen ainalysýdy suraimyn. Erikti túrde qyzmet etip, qoryqpai, memleket qoldaýyna senetin memlekettik qyzmetshilerge qatysty osyndai qorqytyp-úrkitý mánindegi sózderdi taratatyndarǵa tótep berý kerek», – dep málimdedi Noǵaev.
Derekkózi: kaz.tengrinews.kz
