– قۇقىق قورعاۋ ورگاندارى باسشىلارىنان جانە اكىمدىك وكىلدەرىنىڭ تاراپىنان جەبەۋشىلىك كورسەتۋ دەرەكتەرى بار. كوپتەگەن حاتتار الامىن، وندا اشىق نەمەسە انونيم تۇردە وسى دەرەكتەر ايتىلادى. تاعى دا حابارلايمىن، ءاربىر ادام جەكە جاۋاپكەرشىلىك ارقالايدى. ەشقانداي جەبەۋشىلىك بولماۋى ءتيىس، وسى ماسەلەنى شەشۋلەرىڭىزدى سۇرايمىن. وزدەرىنىڭ ءۇش-تورت قايىعىن بەرەتىنىن ايتادى، سوسىن وعان تيىسپەيدى، – دەدى ءوڭىر باسشىسى اتىراۋ وبلىستىق پروكۋراتۋراسىنداعى كوورديناسيالىق كەڭەس وتىرىسىندا.
جيىنعا اتىراۋ قالاسىنىڭ اكىمى، وبلىس اكىمىنىڭ ورىنباسارلارى، قۇقىق قورعاۋ ورگاندارىنىڭ باسشىلارى، بالىق اۋلاۋ جانە وڭدەۋ كووپەراتيۆتەرى وندىرىستەرىنىڭ جەتەكشىلەرى جانە باسقا دا ورگانداردىڭ وكىلدەرى قاتىستى. كەزدەسۋدە كاسىپكەر ابدىبەك بيسەنوۆ اتىراۋلىق ءوندىرۋشى كووپەراتيۆتەرىنە مەردىگەر بولىپ جالدانىپ، اۋلاۋ ماۋسىمىندا زاڭسىز بالىق اۋلاپ جۇرگەن رەسەيلىك بالىقشىلارعا قاتىستى شارا قولدانۋدى سۇرادى.
ونىىڭ ايتۋىنشا، وتكەن جىلى قۇرمانعازى اۋدانىندا وسىلايشا استراحان وبلىسىنىڭ 30-40 قايىعى بالىق اۋلاعان. ال بيىل الداعى بالىق اۋلاۋ ماۋسىمىندا ولار تاعى دا كەيبىر قازاقستاندىق كووپەراتيۆتەرمەن كەلىسىم جاساپ جاتىر-مىس.
– مۇندا شەكاراشىلار بار، بۇل سىزدەرگە دە قاتىستى. قۇقىق قورعاۋ قىزمەتتەرىنە ايتقان جەبەۋشىلىك تۋرالى ءسوز سىزدەرگە دە قاتىستى. ناقتى بەلگىلەرى بار. استراحان وبلىسىنان كەلىپ، ءبىزدىڭ تابيعات پايدالانۋشىلارىمىزعا جالدانسا، نەلىكتەن ولار شەكارادان اسىپ، تاۋاردى اكەتىپ جاتىر؟ مىنە سۇراق. اسكەري پروكۋرور، بۇل سىزگە دە قاتىستى. اركىم ءوز وكىلەتتىگىنىڭ اياسىندا ايتىلعان ۇسىنىستاردى ۇعىپ، اينالىسۋى كەرەك، – دەدى نوعايەۆ.
وبلىس باسشىسى القا قابىلداعان شەشىمگە كەدەرگى كەلتىرگەن نەمەسە قۇلاق اسپاعان كەز كەلگەن لاۋازىمدى تۇلعاعا شارا قولدانۋدىڭ جولىن تابۋعا ۋادە بەردى. سونىمەن قاتار، اكىم شەنەۋنىكتەردى قورقىتىپ، وتباسىلارىن ءولتىرىپ كەتەتىنىن ايتىپ جۇرگەندەردىڭ ءىسى تۋرالى كوپتەگەن شاعىم ءتۇسىپ جاتقانىن ايتتى.
– براكونەرلىكپەن كۇرەس امالدارىن قاتاڭداتقان سوڭ ماعان Facebook جەلىسىندەگى جازبانىڭ پىكىرلەرىن وقىتتى. وندا بىلاي دەلىنەدى: «ءيا، اكىمدىك دۇرىس باعىتتا ءجۇرىپ كەلەدى، باستىسى نوعايەۆتى ەدىل وزەنىنە تۇنشىقتىرىپ ولتىرمەسە بولعانى. بۇل دا وزىندىك قورقىتۋ عوي»، – دەپ كەلتىرەدى اكىمنىڭ ءسوزىن «موي گورود». «ارنايى ورگاندار مەن قۇقىق قورعاۋ ورگاندارىنان وسى ماسەلەمەن اينالىسۋدى سۇرايمىن. ەرىكتى تۇردە قىزمەت ەتىپ، قورىقپاي، مەملەكەت قولداۋىنا سەنەتىن مەملەكەتتىك قىزمەتشىلەرگە قاتىستى وسىنداي قورقىتىپ-ۇركىتۋ مانىندەگى سوزدەردى تاراتاتىندارعا توتەپ بەرۋ كەرەك»، – دەپ مالىمدەدى نوعايەۆ.
دەرەككوزى: kaz.tengrinews.kz
