Aqmola oblysynyń mamandandyrylǵan aýdanaralyq qylmystyq ister jónindegi sotynda alqabilerdiń qatysýymen qylmystyq-atqarý júiesi komitetiniń 12 qyzmetkerine qatysty qylmystyq is qaraldy, dep habarlaidy Dalanews.kz.
Qylmystyq qýdalaý organy KAJK qyzmetkerlerin Atbasar qalasyndaǵy mekemede jazasyn ótep jatqan sottalǵandarǵa tyiym salynǵan yqpal etý ádisterin qoldandy dep aiyptaǵan (Qylmystyq kodeksiniń 146-baby 3-bóliginiń 1-tarmaǵy - azaptaý).
Alqabiler isti qaraý qorytyndysy boiynsha sottalýshylardyń kinásizdigi týraly sheshim shyǵardy. Qylmys oqiǵasynyń bolmaýy jáne sottalýshylardyń kinásizdigi týraly sheshim keńesý bólmesinde daýys berý arqyly qabyldandy.
Daýys berýge 10 alqabi jáne 1 sýdia qatysyp, árqaisysy bir daýystan ie. Daýys berý kezinde artyqshylyq qarastyrylmaǵan.
Sot úkimimen KAJK-nyń 12 qyzmetkeri kinásiz dep tanyldy. Aqtalǵandarǵa ońaltý quqyǵy tanyldy.
Sot úkimi zańdy kúshine engen joq.
