Pavlodar qalasynyń qylmystyq ister jónindegi aýdanaralyq soty erkin kúresten qazaqstandyq tanymal balýan, Olimpiada oiyndarynyń qola júldegeri Dáýlet Shabanbaiǵa qatysty úkim shyǵardy, dep habarlaidy Dalanews.kz.
Is materialdaryna sáikes, biyl qyrkúiek aiynda sportshy mas kúiinde Ulttyq ulan patrýliniń qyzmetkerlerin balaǵattap, olarǵa kúsh qoldanǵan. Buǵan deiin tártip saqshylary ony kóshede túsken shaǵym negizinde toqtatqan.
Dáýlet Shabanbaiǵa Qylmystyq kodekstiń 380-baby 4-bóliginiń 1-tarmaǵy – «Eki nemese odan da kóp adamǵa qatysty bilik ókiline kúsh qoldaný» boiynsha aiyp taǵylǵan.
Sot balýandy kináli dep tanyp, ony ortasha qaýipsizdik deńgeiindegi qylmystyq-atqarý júiesi mekemesinde úsh jyl merzimge bas bostandyǵynan aiyrý týraly sheshim shyǵardy.
Aita keteiik, biyl tamyz aiynda Dáýlet Shabanbai 42 jasqa tolǵan. Ol – Aziia chempionatynyń tórt dúrkin qola jáne kúmis júldegeri. 2022 jyly qarsylastarynyń ekeýi dopingke bailanysty jarystan shettetilgennen keiin, 2012 jylǵy jazǵy Olimpiada oiyndarynyń qola medali resmi túrde tabystalǵan.
