Atakentke jańa ákim taǵaiyndaldy
Aýdan ákimi B.Asanov Atakenttiń jańa basshysyna jańa mindetter júktep, kenttegi qordalanǵan máselelerdi sheshýge tapsyrma berdi. Atap aitqanda, aýyzsý, kóshelerge asfalt tóseý jáne jaryqtandyrý jumystaryn qarqyndatyp, kenttiń tazalyǵyn qolǵa alý kerektigin aitty. Sonymen qatar, Atakentke kanalizatsiia júiesin tartý kerektigin alǵa tartty.
– Ákim degen osy jerdiń iesi bolýy kerek. Qai jerde qandai másele baryn dereý anyqtap, ony sheshý úshin kúni-tún tynbai eńbek etýiń tiis. Sondyqtan, bir kezderi dúrkirep turǵan Atakentti qaryshtap damytady dep saǵan senim bildiremiz! – dedi Baqyt Násirhanuly.
S.Azimov 1982 jyly OQO, Maqtaaral aýdanynda týylǵan. 2003 jyly «Syrdariia» ýniversitetin aiaqtaǵan. Eńbek jolyn dál osy jyly «Mahtaaralzemkadastr» JShS-de is basqarýshy bolyp bastaidy. Osylaisha túrli jyldary Maqtaaral jer kadastr biýrosynda operator, Maqtaaral aýdanynyń jer qatynastary bóliminde operator, jetekshi maman mindetin atqarýshy, jetekshi maman qyzmetterin atqarǵan.
2013 jyldan bastap Maqtaaral aýdanynyń aýyl sharýashylyǵy jáne jer qatynastary bóliminde bas maman, sektor meńgerýshisi, 2016 jyly Maqtaaral aýdanynyń jer qatynastary bóliminde bas maman bolyp eńbek etti.
2017 jyldyń qyrkúieginde Atakent kenti ákiminiń orynbasary, 2018 jyldyń tamyzynan bastap qazirge deiin Atakent kenti ákiminiń ýaqytsha mindetin atqarýshy bolyp qyzmet etken.
Maqtaaral aýdany ákiminiń baspasóz qyzmeti
