ماقتاارال اۋدانى اكىمى باقىت اسانوۆ جۇرتشىلىققا اتاكەنتتىڭ جاڭا باسشىسىن تانىستىردى. سايلاۋدان جەڭىپ شىققان سلامحان ازيموۆ اۋدان اكىمىنىڭ وكىمىمەن جەكە ەڭبەك شارتىنا سايكەس، مىندەتتى ارنايى تەكسەرۋدەن وتكەنگە دەيىن اتاكەنت كەنتى اكىمىنىڭ مىندەتىن ۋاقىتشا اتقارۋشى بولىپ تاعايىندالدى.

اۋدان اكىمى ب.اسانوۆ اتاكەنتتىڭ جاڭا باسشىسىنا جاڭا مىندەتتەر جۇكتەپ، كەنتتەگى قوردالانعان ماسەلەلەردى شەشۋگە تاپسىرما بەردى. اتاپ ايتقاندا، اۋىزسۋ، كوشەلەرگە اسفالت توسەۋ جانە جارىقتاندىرۋ جۇمىستارىن قارقىنداتىپ، كەنتتىڭ تازالىعىن قولعا الۋ كەرەكتىگىن ايتتى. سونىمەن قاتار، اتاكەنتكە كاناليزاسيا جۇيەسىن تارتۋ كەرەكتىگىن العا تارتتى.

– اكىم دەگەن وسى جەردىڭ يەسى بولۋى كەرەك. قاي جەردە قانداي ماسەلە بارىن دەرەۋ انىقتاپ، ونى شەشۋ ءۇشىن كۇنى-تۇن تىنباي ەڭبەك ەتۋىڭ ءتيىس. سوندىقتان، ءبىر كەزدەرى دۇركىرەپ تۇرعان اتاكەنتتى قارىشتاپ دامىتادى دەپ ساعان سەنىم بىلدىرەمىز!  – دەدى باقىت ءناسىرحان ۇلى.

س.ازيموۆ 1982 جىلى وقو، ماقتاارال اۋدانىندا تۋىلعان. 2003 جىلى «سىرداريا» ۋنيۆەرسيتەتىن اياقتاعان. ەڭبەك جولىن ءدال وسى جىلى «ماحتاارالزەمكاداستر» جشس-دە ءىس باسقارۋشى بولىپ باستايدى. وسىلايشا ءتۇرلى جىلدارى ماقتاارال جەر كاداستر بيۋروسىندا وپەراتور، ماقتاارال اۋدانىنىڭ جەر قاتىناستارى بولىمىندە وپەراتور، جەتەكشى مامان مىندەتىن اتقارۋشى، جەتەكشى مامان قىزمەتتەرىن اتقارعان.

2013 جىلدان باستاپ ماقتاارال اۋدانىنىڭ اۋىل شارۋاشىلىعى جانە جەر قاتىناستارى بولىمىندە باس مامان، سەكتور مەڭگەرۋشىسى، 2016 جىلى ماقتاارال اۋدانىنىڭ جەر قاتىناستارى بولىمىندە باس مامان بولىپ ەڭبەك ەتتى.

2017 جىلدىڭ قىركۇيەگىندە اتاكەنت كەنتى اكىمىنىڭ ورىنباسارى، 2018 جىلدىڭ تامىزىنان باستاپ قازىرگە دەيىن اتاكەنت كەنتى اكىمىنىڭ ۋاقىتشا مىندەتىن اتقارۋشى بولىپ قىزمەت ەتكەن.

 

ماقتاارال اۋدانى اكىمىنىڭ باسپا ءسوز قىزمەتى