Jetisai aýdanynda Konstitýtsiia kúni merekesi qarsańynda taǵy 90 otbasy baspanaly bolyp, úzdik qyzmetkerler marapattaldy, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Ǵasyrlar toǵysynda álemdik órkeniettiń shyńyna umtylǵan Qazaqstan halqy tarihi da taǵdyrly sheshim qabyldap, jasampaz jańa dáýirge qadam basyp, qarqyndy damyp keledi. Ata Zań – tutas halqymyzdyń jarqyn isteriniń qainar bastaýyna ainaldy.
Atalǵan sharaǵa aýdan ákimi Serik Mamytov, Túrkistan oblystyq máslihatynyń depýtaty Talǵat Qarjaýov, aýdandyq máslihat tóraǵasy Medet Qasymov pen «AMANAT» partiiasy Jetisai aýdandyq filialynyń atqarýshy hatshysy Asqar Qainazarov, ziialy qaýym ókilderi men turǵyndar qatysyp, jurtshylyqty aitýly kúnmen quttyqtady.
«Biz Ata Zańymyzdy qurmetteý arqyly Otanymyzdy, tarihymyzdy, qundylyqtarymyzdy qurmetteimiz jáne elimizdiń damýyna, qoǵamdyq kelisimge, beibitshilik pen tynyshtyqqa qol jetkize alamyz» dedi aýdan basshysy.
Merekelik shara barysynda aýdan basshysy turǵyn úi kezeginde turǵan az qamtamasyz etilgen jáne kópbalaly otbasylarǵa, múmkindigi shekteýli jandarǵa satý quqyǵynsyz beriletin 90 turǵyn úidiń kiltin tabystady.
Ótken jyly respýblikalyq biýdjet pen Ulttyq qordan qaralǵan 862 mln 331 myń teńgege halyqtyń áleýmettik osal toptary úshin áleýmettik 90 turǵyn úi satyp alynǵan bolatyn. Biylǵy jyly memleketten bólingen 1 mlrd 404 mln teńgege jańadan salynǵan taǵy 90 úidi satyp alý josparlanyp otyr.
Táýelsizdigimizdiń tiregine, memleket pen qoǵamda oryn alyp otyrǵan barlyq saiasi-ekonomikalyq, áleýmettik reformalardyń ilgeri basýyna, damýynyń qainar bastaýyna ainalǵan «Ata Zań» merekesiniń 29 jyldyǵynda aýdan ákimi Serik Mamytov eldiń ádeýmettik-ekonomikalyq damýyna súbeli úles qosyp, qajyrly eńbek etip júrgen azamattardy da alǵys hattarmen marapattap, arnaiy syi-siiapat jasaldy.
Aitýly merekede aýdan ónerpazdary ánnen shashý shashyp, myń burala bi biledi. Jetisai aspanyn kúimen kómkerip, kelýshilerge kóterińki kóńil-kúi syilady.
