جەتىساي اۋدانىندا كونستيتۋسيا كۇنى مەرەكەسى قارساڭىندا تاعى 90 وتباسى باسپانالى بولىپ، ۇزدىك قىزمەتكەرلەر ماراپاتتالدى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
عاسىرلار توعىسىندا الەمدىك وركەنيەتتىڭ شىڭىنا ۇمتىلعان قازاقستان حالقى تاريحي دا تاعدىرلى شەشىم قابىلداپ، جاسامپاز جاڭا داۋىرگە قادام باسىپ، قارقىندى دامىپ كەلەدى. اتا زاڭ – تۇتاس حالقىمىزدىڭ جارقىن ىستەرىنىڭ قاينار باستاۋىنا اينالدى.
اتالعان شاراعا اۋدان اكىمى سەرىك مامىتوۆ، تۇركىستان وبلىستىق ءماسليحاتىنىڭ دەپۋتاتى تالعات قارجاۋوۆ، اۋداندىق ءماسليحات ءتوراعاسى مەدەت قاسىموۆ پەن «AMANAT» پارتياسى جەتىساي اۋداندىق فيليالىنىڭ اتقارۋشى حاتشىسى اسقار قاينازاروۆ، زيالى قاۋىم وكىلدەرى مەن تۇرعىندار قاتىسىپ، جۇرتشىلىقتى ايتۋلى كۇنمەن قۇتتىقتادى.
«ءبىز اتا زاڭىمىزدى قۇرمەتتەۋ ارقىلى وتانىمىزدى، تاريحىمىزدى، قۇندىلىقتارىمىزدى قۇرمەتتەيمىز جانە ەلىمىزدىڭ دامۋىنا، قوعامدىق كەلىسىمگە، بەيبىتشىلىك پەن تىنىشتىققا قول جەتكىزە الامىز» دەدى اۋدان باسشىسى.
مەرەكەلىك شارا بارىسىندا اۋدان باسشىسى تۇرعىن ءۇي كەزەگىندە تۇرعان از قامتاماسىز ەتىلگەن جانە كوپبالالى وتباسىلارعا، مۇمكىندىگى شەكتەۋلى جاندارعا ساتۋ قۇقىعىنسىز بەرىلەتىن 90 تۇرعىن ءۇيدىڭ كىلتىن تابىستادى.
وتكەن جىلى رەسپۋبليكالىق بيۋدجەت پەن ۇلتتىق قوردان قارالعان 862 ملن 331 مىڭ تەڭگەگە حالىقتىڭ الەۋمەتتىك وسال توپتارى ءۇشىن الەۋمەتتىك 90 تۇرعىن ءۇي ساتىپ الىنعان بولاتىن. بيىلعى جىلى مەملەكەتتەن بولىنگەن 1 ملرد 404 ملن تەڭگەگە جاڭادان سالىنعان تاعى 90 ءۇيدى ساتىپ الۋ جوسپارلانىپ وتىر.
تاۋەلسىزدىگىمىزدىڭ تىرەگىنە، مەملەكەت پەن قوعامدا ورىن الىپ وتىرعان بارلىق ساياسي-ەكونوميكالىق، الەۋمەتتىك رەفورمالاردىڭ ىلگەرى باسۋىنا، دامۋىنىڭ قاينار باستاۋىنا اينالعان «اتا زاڭ» مەرەكەسىنىڭ 29 جىلدىعىندا اۋدان اكىمى سەرىك مامىتوۆ ەلدىڭ ادەۋمەتتىك-ەكونوميكالىق دامۋىنا سۇبەلى ۇلەس قوسىپ، قاجىرلى ەڭبەك ەتىپ جۇرگەن ازاماتتاردى دا العىس حاتتارمەن ماراپاتتاپ، ارنايى سىي-سياپات جاسالدى.
ايتۋلى مەرەكەدە اۋدان ونەرپازدارى اننەن شاشۋ شاشىپ، مىڭ بۇرالا بي بيلەدى. جەتىساي اسپانىن كۇيمەن كومكەرىپ، كەلۋشىلەرگە كوتەرىڭكى كوڭىل-كۇي سىيلادى.
