Kez kelgen jan úshin eń qymbat jan – ata-anasy. Ata-anasynyń kózi tiri kezinde laiyqty dárejede qurmet kórsetip, jaqsylyq jasaý ár perzenttiń paryzy desek te bolady. Al jaqsy tárbieni besikten kótrip ósken bala ata-anasyna qurmet kórsetpeýi áste múmkin emes. Qazirgi jahandaný kezeńinde ómir súrip, aqparttyq aǵynda júrgen bala úshin bul qanshalyqty ózekti, qazirgi jastarymyz ata-anasyn qanshalyqty syilai biledi degen degen maqsatpen Ál-Farabi atyndaǵy Qazaq ulttyq ýniversiteti Filologiia fakýltette mańyzdy kezdesý ótti. Fakýltettiń I kýrs magistranttary Symbat Asanova pen Áigerim Daldabai uiymdastyrýymen ótken kezdesýge aqyn, aýdarmashy, Jazýshylar Odaǵynyń múshesi Saiat Qamshyger qatysty. «Jetim kórseń jebei júr» taqyryby aiasynda ótken bul ashyq tárbie saǵatynda aqyn qazaq filologiiasynyń 1 kýrs stýdentterin ózi qazaq tiline aýdarǵan bashqurt jazýshysy Aigiz Baimuhametovtyń «Tastamashy, ana» kitabymen tanystyrdy.
- Avtor ózi ata-anasynan jastai aiyrylyp jetimder úiinde ósedi, sol jerdegi basynan ótken aianyshty taǵdyryn áńgimeleidi. Men avtormen tanysyp, syilaǵan kitabyn oqyp, birden qazaq tildi oqyrmanǵa jetkizý kerek dep oiladym. Jáne bul oiym óz jemisin berdi. Jetim balanyń basynan ótken aianyshty taǵdyrdy oqyǵan ár kórermen ata-anasynyń qadirin bildi. Júreginde meiirimdilik sezimi oiandy. Al bul qazirgi qatygez qoǵam úshin jetispeitin sezimniń birine ainalyp barady. Iaǵni kitap arqyly tárbielenip jatqan oqyrmanymnyń kúnnen kúnge artyp jatqanyna qýanyshtymyn. shazir kitaptyń 8-basylymy shaǵyp jatyr, - degen Saiat Qamshyger Shyǵarmanyń jazylý tarihynan, kórkemdik ereksheligi men keiipkerlerdiń qazirgi ómiri jaiynda syr shertip berdi. “Ertegisiz ótken balalyq”, “Kóshe balalary” atty jalǵasy shyqqanyna habardar etti.
Bilim alýshylar qazirgi tańda elimizdegi jetimder sany men balalar úiiniń jyl saiyn azaiyp kele jatqany týraly slaid jasap, aqparattarmen bólisti.
Kezdesýge moderator bolǵan «Senimen bolashaq» RQB ókili, jýrnalist Merýert Máýletqyzy ata-anany syilaý týraly aityp, ózderi de bolashaq ata-ana retinde ár balanyń tálim-tárbiesine kóńil bólý týraly oiymen bólisti.
- Búginde otbasyndaǵy qundylyqtar zaman aǵymyna sai ózgerip jatyr. «Qatygez bala» qaidan shyǵady dep saýal tastaimyz da, arǵy jaǵyndaǵy saldaryna nazar salmaimyz. «Bala tárbiesi - besikten» dep bir-aq aýyz sózben túiindegen muny ata+babamyz. Iaǵni, ata-ana sanaly bolsa bala da sanaly, saliqaly bolyp ósedi. Menińshe, osyndai basqosýlardy jii ótkizip, Saiat Qamshyger siiaqty oi salarlyq dúnie jazyp júrgen ádebietshiler qaýymy arqyly jas urpaq tárbiesine úles qosqan abzal, - dedi moderator.
Is-shara sońynda jastar belsendilik tanytyp, taqyrypta sai pikirlerin aityp, suraqtaryn qoidy. Ana týraly óleńderin oqyp, zamandastaryna oi saldy.
Quralai Muhamadi,
Ál-Farabi atyndaǵy Qazaq ulttyq ýniversitetiniń
qaýymdastyrylǵan professory, filologiia ǵylymdarynyń kandidaty,
F.ǵ.k., qaýymdastyrylǵan professor
