Otyrysta Memleket basshysy, «AMANAT» partiiasynyń Tóraǵasy Qasym-Jomart Kemeluly Toqaevtyń alǵa qoiǵan mindetterin iske asyrý máselesi qaraldy.
– El Prezidenti Qasym-Jomart Kemeluly Toqaev jańa Qazaqstandy qurýdyń keshendi, jan-jaqty pysyqtalǵan baǵdarlamasyn usyndy. Memleket basshysy eldegi saiasi mádenietti qalyptastyrýǵa múldem jańasha reńk berdi. Elimiz táýelsizdiktiń otyz jyly ishinde ótkendi qurmettep, damýdyń jańa satysyna kóship, túbegeili saiasi transformatsiia aldynda tur. Aldaǵy barlyq ózgeristerdiń negizgi leitmotivi – memleket pen qoǵam arasyndaǵy ózara túsinistik pen senim. Osy turǵyda partiia men fraktsiia múshelerine zor jaýapkershilik júktelip otyr, – dedi Erlan Qoshanov.
Otyrysta sóz sóilegen «AMANAT» partiiasynyń Atqarýshy hatshysy Ashat Oralov Joldaýdyń basym baǵyttaryna toqtalyp, partiia el Prezidentiniń institýtsionaldyq tiregi bola otyryp, barlyq júrgizilip jatqan reformalardyń aldyńǵy qatarynda bolýǵa tiis ekenin aitty.
– Memleket basshysynyń Joldaýyn aýqymdy túrde ilgeriletý jáne iske asyrý úshin barlyq partiialyq resýrstardy jumyldyrý mańyzdy. Bul jumysqa Májilis pen Máslihattardyń barlyq depýtattary, Biýro men Saiasi keńesterdiń, qoǵamdyq keńesterdiń músheleri, partiianyń belsendileri men jaqtastary, qoǵamdyq pikir kóshbasshylary, jastar tartylýǵa tiis, – dedi partiianyń Atqarýshy hatshysy.
Odan ári fraktsiia jiynynda depýtattar sóz sóilep, pikir alysty.
Depýtat Erlan Sairov Táýelsiz Qazaqstannyń saiasi tarihynda osyndai sheshýshi kezeń kóp bolmaǵanyn, jańa Qazaqstannyń qalyptasyp jatqanyna nazar aýdardy.
– Qazaqstan Respýblikasynyń Prezidenti Qasym-Jomart Toqaev elimizdi demokratiia men pliýralizmniń jolyna baǵyttady! Halqymyzdyń, qoǵamnyń kókeiinde júrgen, azamattyq belsendiler talqylap jatqan máselege naqty jaýap berildi! Qazaqstanda júieli, tereń, jan-jaqty qoǵamdyq-saiasi reforma iske asady! Bul aspekt bizge, «AMANAT» partiiasynyń fraktsiia múshelerine zor júkteidi! – dedi depýtat.
Óz kezeginde Májilis depýtaty Juldyz Súleimenova Memleket basshysy usynǵan reformalar «Jańa Qazaqstan» qurýda elimizdiń búgingi saiasi júiesin túbegeili qaita jańǵyrtyp, ashyqtyǵyn, timdiligin jáne áleýmettik damýyn arttyra túsetindigine toqtaldy.
– Joldaý júktegen aýqymdy mindetter qatarynda Abai oblysynyń «Rýhani jáne mádeni ortalyǵymyz» retinde damytýǵa basymdyq berýimiz qajet. Bizdi ult retinde saqtaityn kemeńger Abai Qunanbaiuly, oishyl Shákárim Qudaiberdiuly, zańǵar jazýshymyz Muhtar Áýezovtyń muralaryn zerdelep, aǵartýshylarymyz Alash ziialylarynyń eńbekterindegi adamzatqa jat qatygezdik, menmendik, masyldyq, erinshektik sekildi minezderden boiymyzdy tasalap, aqparat tasqyny men ǵalamdaný kúshine tótep beretin meiirimdilik, izgilik, kishipeiildilik pen eńbekqorlyq sekildi temirqazyq ustanymdardy jastarǵa nasihattaýdy qolǵa alý qajet, – dedi depýtat.
Sondai-aq Juldyz Súleimenova Ulytaý oblysynda innovatsiialyq jastar damytý ortalyqtaryn ashý, sol negizde Kremnii ańǵaryndai bilim, ǵylym, ónerkásip pen kreativti indýstriany damytý NEET sanatyndaǵy jastarymyzǵa bolsyn, jalpy eńbek qoǵamyn qurýda ózekti ekenine nazar aýdardy.
Jiyn barysynda depýtattar Snejanna Imasheva, Albert Raý, Qanat Nurov zań shyǵarýshylyq jumystyń sapasy, Májilis jumysyna sarapshylar men jurtshylyqty tartý, Parlamentarizm institýtyn jobalardy qaraýǵa tartý, daǵdarysqa qarsy sharalar paketin qabyldaý jáne jergilikti ózin-ózi basqarý men memlekettik basqarý quzyretteriniń bólinýi jáne taǵy basqa da birqatar ózekti máselelerdi kóterdi.
Májilis tóraǵasy otyrysta depýtattardyń Úkimetpen ózara is-qimyl jasaýdyń jańa formatyna kóship jatqanyn atap ótti.
– Jýyrda ótken Májilistiń jalpy otyrysynda qańtar oqiǵasynyń tergelý barysy jóninde quqyq qorǵaý organdary basshylarynyń esebi tyńdaldy. Oǵan Memleket basshysy oń baǵa berdi. Sondyqtan mundai formattaǵy jumysty ári qarai jalǵastyrýymyz kerek, – dedi Erlan Qoshanov.
Palata spikeri aqpandaǵy óńirlerge jasalǵan saparlardyń qorytyndysy boiynsha depýtattar myńnan astam túitkildi máselelerdi toptastyrǵanyna mán berdi. Osy másele boiynsha jýyq arada Premer-Ministrdiń orynbasary jáne Úkimet músheleriniń qatysýymen Májilistiń jalpy otyrysy ótetinin, onda qabyldanyp jatqan sharalar boiynsha esep tyńdalatynyn atap ótti.
