Qyrǵyzstanda "qys bolmaidy" degen sózi arqyly tanylǵan Arstan Alai qańtardyń basynda óz-ózine qol jumsaǵan bolatyn. Eldiń bas prokýrory Qurmanqul Zýlýshev onyń ólimi boiynsha tergeý júrip jatqanyn málimdedi, - dep habarlaidy Dalanews.kz.
"Olar (túrme ákimshiligi qyzmetkerleri – esk.) Arystan Alai útiktiń elektr baýyn basyp júrgenin, sý, shái iship júrgenin 24 saǵat boiy kórgen. Kórgen de, shara qoldanbaǵan. Ol jaqta istegen qyz jas eken, barǵanyna jeti ai bolypty. Oǵan túsindirý jumysy júrgizilmegen. Sondyqtan "salǵyrttyq" baby boiynsha is qozǵalyp, tergeý júrip jatyr", - dep keltirdi Zýlýshevtiń sózin "Azattyq radiosy".
5 qańtarda saǵat 05.15 shamasynda jazany óteý qyzmetiniń №31 arnaiy emdeý-túzeý mekemesiniń ashanasynda aiyptalýshy Arstanbek Beishenaliuly Ábdildaev asylǵan kúiinde tabylǵan edi. Oktiabr aýdandyq soty Arstanbek Ábdildaevqa qatysty 2023 jylǵy 16 jeltoqsannan 2024 jylǵy 15 qańtarǵa deiin Bishkektiń ýaqytsha ustaý izoliatoryna qamaýǵa alý túrindegi bultartpaý sharasyn tańdaǵan. Biraq 2023 jylǵy 28 jeltoqsanda psihiatrdyń usynysy boiynsha aiyptalýshy №31 koloniiaǵa "naqtylanbaǵan psihiatriialyq buzylys, galliýtsinatsiia" diagnozymen aýystyrylǵan.
"29 jeltoqsanda №31 koloniiaǵa kelgennen keiin Arstanbek Ábdildaev dárigerlerge mezgil-mezgil júrek ýrýy, bas aýrýy, qulaqtyń shýyly, asqazannyń aýrýy (tamaq ishkennen keiin) sekildi shaǵymdarymen júgindi. Tekseris qorytyndysy boiynsha aldyn ala diagnoz jasaldy: naqtylanbaǵan psihotikalyq buzylys, júrek aýrýy, óte qaýipti gipertoniia. Diagnozdy naqtylaý úshin kardiolog, gastroenterolog jáne psihiatr dárigerler komissiialyq tekseris júrgizý qajet ekeni týraly sheshim qabyldandy. 5 qańtarda saǵat 4.52 shamasynda Arstanbek Ábdildaev koloniianyń ashana bólimshesine kirip, 5.15-te asylǵan kúiinde tabyldy", - delingen habarlamada.
Sonymen qatar, vedomstvo málimetinshe, máiitti teksergen kezde dene jaraqaty tabylmaǵan. Ólimniń naqty sebebin anyqtaý úshin komissiialyq sot-meditsinalyq saraptama taǵaiyndalǵan.
Arstan Alai byltyr jeltoqsanda ustaldy. Onyń ústinen Qyrǵyzstan Qylmystyq kodeksiniń 330-baby "Dini arazdyqty qozdyrý (alaýyzdyq)" boiynsha qylmystyq is qozǵaldy.
Qamaýǵa alýǵa jáne qylmystyq is qozǵaýǵa Alaidyń áleýmettik jelilerde, kitaptarynda "dini jáne dinaralyq arazdyqty qozdyrýǵa úndeý jariialaǵany, dindarlyǵy negizinde azamattardyń jeke basyn nasihattaityny" týraly aqparat negiz bolǵan. Keiin onyń qamaýda qalǵany aityldy.
Arstan Alai 2011 jyldyń aiaǵynda "Qys bolmaidy" dep aitqan kezde tanymal boldy.
"Kúlesińder, biraq keiin bári rastalady. Qys bolmaidy, Batysta sý tasqyny bolady. Kóresińder, sosyn kúlesińder", - degen edi ol baspasóz máslihatynda.
