Olardyń kólemi 2-3 santımetrden aspaıdy. «Jas Nur» óndiristik-sharýashylyq kásiporny mamandarynyń aıtýynsha, aldaǵy jazda balyq aýlaý maýsymyna qaraı olar 35-40 santımetrge deıin ósedi, al olardyń salmaǵy 400 gramǵa jetedi.
«Jas Nur» basshysy Nurjan Smaǵulov balyqtyń bul túri temperatýranyń kez kelgen jaǵdaıyna óte tózimdi, ashshy da, tushshy da sýda ómir súretinin jáne Astana mańyndaǵy sý qoımalarynda jaramdy barlyq nársemen qorektenetinin atap ótti.
Balyqtyń erekshe dáminiń arqasynda qaladaǵy balyqshylardyń da qyzyǵýshylyǵy joǵary.
Shabaqtar «Maybalyk» ınkýbasıalyq sehtarynda ósirildi, al «Jas Nur» qyzmetkerleri sý qoımalaryna jetkizdi. «Jas Nur» eki sý qoımasyn uzaq merzimdi jalǵa alǵan.
Olardy sýǵa jiberý jyl saıyn uıymdastyrylady. Máselen byltyr Astananyń jáne Qoıandynyń sý qoımalaryna 20 myń aq amýr shabaǵy, al 2021 jyly 90 myń móńke shabaǵy jiberildi.
Keler jyldyń kókteminde kásiporyn sý qoımalaryndaǵy balyq sanyn 2 mıllıon jas sarboıan tuqy balyǵymen tolyqtyrýdy josparlap otyr.
Balyqtandyrý bıologıalyq tepe-teńdikti saqtaý jáne sý keńistigin tabıǵı tazartý maqsatynda júzege asyrylady.
