ولاردىڭ كولەمى 2-3 سانتيمەتردەن اسپايدى. «جاس نۇر» وندىرىستىك-شارۋاشىلىق كاسىپورنى ماماندارىنىڭ ايتۋىنشا، الداعى جازدا بالىق اۋلاۋ ماۋسىمىنا قاراي ولار 35-40 سانتيمەترگە دەيىن وسەدى، ال ولاردىڭ سالماعى 400 گرامعا جەتەدى.
«جاس نۇر» باسشىسى نۇرجان سماعۇلوۆ بالىقتىڭ بۇل ءتۇرى تەمپەراتۋرانىڭ كەز كەلگەن جاعدايىنا وتە ءتوزىمدى، اششى دا، تۇششى دا سۋدا ءومىر سۇرەتىنىن جانە استانا ماڭىنداعى سۋ قويمالارىندا جارامدى بارلىق نارسەمەن قورەكتەنەتىنىن اتاپ ءوتتى.
بالىقتىڭ ەرەكشە ءدامىنىڭ ارقاسىندا قالاداعى بالىقشىلاردىڭ دا قىزىعۋشىلىعى جوعارى.
شاباقتار «Maybalyk» ينكۋباسيالىق سەحتارىندا ءوسىرىلدى، ال «جاس نۇر» قىزمەتكەرلەرى سۋ قويمالارىنا جەتكىزدى. «جاس نۇر» ەكى سۋ قويماسىن ۇزاق مەرزىمدى جالعا العان.
ولاردى سۋعا جىبەرۋ جىل سايىن ۇيىمداستىرىلادى. ماسەلەن بىلتىر استانانىڭ جانە قوياندىنىڭ سۋ قويمالارىنا 20 مىڭ اق امۋر شاباعى، ال 2021 جىلى 90 مىڭ موڭكە شاباعى جىبەرىلدى.
كەلەر جىلدىڭ كوكتەمىندە كاسىپورىن سۋ قويمالارىنداعى بالىق سانىن 2 ميلليون جاس ساربويان تۇقى بالىعىمەن تولىقتىرۋدى جوسپارلاپ وتىر.
بالىقتاندىرۋ بيولوگيالىق تەپە-تەڭدىكتى ساقتاۋ جانە سۋ كەڭىستىگىن تابيعي تازارتۋ ماقساتىندا جۇزەگە اسىرىلادى.
