Astanada esirtkige qarsy kezekti aktsiia uiymdastyrylyp, shara barysynda politseiler men eriktiler Baiqońyr aýdanynda esirtki jarnamasy bar graffitterdi óshirdi, – dep habarlaidy Dalanews.kz elorda ákimdiginiń resmi saityna silteme jasap.
Aktsiiaǵa Baiqońyr aýdany ákimdiginiń, jergilikti politsiia qyzmeti basqarmasynyń, qalanyń esirtki qylmysyna qarsy is-qimyl basqarmasynyń, úkimettik emes uiymdardyń ókilderi jáne «Astana jastary» jastar resýrstyq ortalyǵynyń eriktileri qatysty.
Baiqońyr aýdanynda Táshenov kóshesi, 4/1 mekenjaiyndaǵy zańsyz jarnamany boiaý boiynsha kezekti aktsiia ótti.
– Biyl biz aýdan kóleminde ekinshi aktsiiany ótkizip otyrmyz. Birinshi is-shara Baraev kóshesinde ótti, onda biz esirtki zattarynyń jarnamasyn joiǵan bolatynbyz. Aldaǵy ýaqytta da zańsyz jarnamany anyqtap, olardy joiý is-sharalar udai ótkizýdi josparlap otyrmyz, – dedi Baiqońyr aýdanynyń Ishki saiasat bóliminiń bas mamany Gúldana Qazbekova.
Aktsiia nashaqorlyqtyń taralýyn boldyrmaýǵa jáne esirtkige táýeldi jastardyń sanyn azaitýǵa baǵyttalǵan.
Esirtki zattarynyń jarnamasyn joiý boiynsha aktsiialar elordanyń barlyq aýdanynda ótedi jáne osy jyldyń qarasha aiyna deiin jalǵasady.
