Astanada «Taza Qazaqstan: Astana – tazalyq pen tártiptiń úlgisi» atty aýqymdy ekologiialyq aktsiia ótýde. Bul aptada «Kieli meken» uranymen ótken shara barysynda tarih jáne mádeniet eskertkishteriniń aýmaǵyn abattandyryldy, – dep habarlaidy Dalanews.kz Astana qalasy ákiminiń baspasóz qyzmetine silteme jasap.
Ekoaktsiiaǵa qala turǵyndary, eńbek ujymdary, mádeniet jáne sport qairatkerleri, memlekettik qyzmetkerler, shaǵyn jáne orta biznes (bazarlar, saýda jáne oiyn-saýyq ortalyqtary, kafeler, meiramhanalar t.b.), eriktiler, mektep oqýshylary men stýdentter, MIB (PIK) qatysty.
Elordanyń kommýnaldyq qyzmetkerleri qalany abattandyrý men tazalaýǵa qoldaý kórsetip qana qoimai, túrli aktsiialardy, chellendjderdi, tabiǵatty qorǵaý sharalaryn uiymdastyryp júrgen astanalyqtarǵa alǵys bildirdi.
– Tańerteńnen beri qalany tazalaýmen ainalysyp kelemiz. Osyndai qamqorlyq kórsetip, belsendilik tanytqandarǵa alǵysymyz sheksiz, – dedi kommýnaldyq qyzmetkerlerdiń biri.
Keń kólemdi ekologiialyq naýqan aiasynda qalany, nóser jáne aryq káriz jelilerin sanitarlyq tazalaý, kóshelerdi, jaiaý júrginshiler joldaryn, kvartalishilik aýmaqtardy, qoǵamdyq oryndar men aýlalardy tazalaý jumystary da júrgizilýde.
Sondai-aq jasyl jelekterdi kútip-baptaý jáne kógaldandyrý, saýda nysandaryna jaqyn aýmaqtardy tazalaý, kógaldar men gúlzarlardy retke keltirý, ruqsat etilmegen qoqystardy joiý jáne t.b. jumystar júrgizilip jatyr.
Ekoaktsiiaǵa qatysýshylar arasynda (20-21 sáýir) fitnes-klýbqa úsh jazylym boiynsha baiqaý ótkiziledi. Oǵan kez kelgen adam qatysa alady.
Ol úshin sizge: Astana ákimdiginiń Instagram jelisindegi resmi akkaýntyna (@akimat__astana) tirkelý, Instagram jelisindegi ekoaktsiiada túsirilgen videonyń túpnusqasyn júktep, ony #tazaAstana, #eco-actionAstana heshtegterimen belgileý qajet. Post retinde jariialanýy kerek, stories emes).
Baiqaý jeńimpazdary 23 sáýirde anyqtalady. Videony kez kelgen jerde, tipti aýlańyzdy tazalaý kezinde túsire alasyz.
Astanada qalanyń barlyq aýdanynda jalpy tazalyq jumysy júrip jatyr. Kópirler, mańdaishalar, qorshaýlar, aialdamalar jýylady, jóndeý-qalpyna keltirý jumystary júrgizilýde, gúlzarlar, saiabaqtar, qoǵamdyq oryndar qoqystan tazartyldy.
Jol jumystary da bastalyp ketti. Biyl 200-den astam kóshedegi shuńqyrlardy jóndeý jumysy júrgizilse, taǵy 50-den astam kóshe ortasha jóndeýden ótedi. Sondai-aq trotýarlardy, aýlalardy, qoǵamdyq oryndardy abattandyrý jumystary júrgiziledi.
Esterńizge sala keteiik, bul apta «Kieli meken» dep atalady jáne tarih jáne mádeniet eskertkishteriniń aýmaǵyn abattandyrý jumystaryna arnalǵan.
Elordada turǵyndarynyń belsendiligimen tazalyq júrgizilip, mádeni mura nysandarynyń qasbetterin, eskertkishter men irgeles aýmaqtardy retke keltirý jumystary júrgizildi.
4 mamyrǵa deiingi kezeń – «Ónegeli urpaq», ol ardagerler turatyn aýlalardy jáne qarttar úileriniń aýmaqtaryn tazalaýǵa jáne abattandyrýǵa arnalady.
Sońǵy, besinshi apta «Móldir bulaq» dep atalady. Bul aptalyqta sý aidyndary – ózender men kólderdiń ainalasy qoqystan tazartylady.
