استانادا «تازا قازاقستان: استانا – تازالىق پەن ءتارتىپتىڭ ۇلگىسى» اتتى اۋقىمدى ەكولوگيالىق اكسيا وتۋدە. بۇل اپتادا «كيەلى مەكەن» ۇرانىمەن وتكەن شارا بارىسىندا تاريح جانە مادەنيەت ەسكەرتكىشتەرىنىڭ اۋماعىن اباتتاندىرىلدى، – دەپ حابارلايدى Dalanews.kz استانا قالاسى اكىمىنىڭ باسپا ءسوز قىزمەتىنە سىلتەمە جاساپ.

ەكواكسياعا قالا تۇرعىندارى، ەڭبەك ۇجىمدارى، مادەنيەت جانە سپورت قايراتكەرلەرى، مەملەكەتتىك قىزمەتكەرلەر، شاعىن جانە ورتا بيزنەس (بازارلار، ساۋدا جانە ويىن-ساۋىق ورتالىقتارى، كافەلەر، مەيرامحانالار ت.ب.)، ەرىكتىلەر، مەكتەپ وقۋشىلارى مەن ستۋدەنتتەر، ميب (پيك) قاتىستى.

ەلوردانىڭ كوممۋنالدىق قىزمەتكەرلەرى قالانى اباتتاندىرۋ مەن تازالاۋعا قولداۋ كورسەتىپ قانا قويماي، ءتۇرلى اكسيالاردى، چەللەندجدەردى، تابيعاتتى قورعاۋ شارالارىن ۇيىمداستىرىپ جۇرگەن استانالىقتارعا العىس ءبىلدىردى.

– تاڭەرتەڭنەن بەرى قالانى تازالاۋمەن اينالىسىپ كەلەمىز. وسىنداي قامقورلىق كورسەتىپ، بەلسەندىلىك تانىتقاندارعا العىسىمىز شەكسىز، – دەدى كوممۋنالدىق قىزمەتكەرلەردىڭ ءبىرى.

كەڭ كولەمدى ەكولوگيالىق ناۋقان اياسىندا قالانى، نوسەر جانە ارىق كارىز جەلىلەرىن سانيتارلىق تازالاۋ، كوشەلەردى، جاياۋ جۇرگىنشىلەر جولدارىن، كۆارتالىشىلىك اۋماقتاردى، قوعامدىق ورىندار مەن اۋلالاردى تازالاۋ جۇمىستارى دا جۇرگىزىلۋدە.

سونداي-اق جاسىل جەلەكتەردى كۇتىپ-باپتاۋ جانە كوگالداندىرۋ، ساۋدا نىساندارىنا جاقىن اۋماقتاردى تازالاۋ، كوگالدار مەن گۇلزارلاردى رەتكە كەلتىرۋ، رۇقسات ەتىلمەگەن قوقىستاردى جويۋ جانە ت.ب. جۇمىستار جۇرگىزىلىپ جاتىر.

ەكواكسياعا قاتىسۋشىلار اراسىندا (20-21 ءساۋىر) فيتنەس-كلۋبقا ءۇش جازىلىم بويىنشا بايقاۋ وتكىزىلەدى. وعان كەز كەلگەن ادام قاتىسا الادى.

ول ءۇشىن سىزگە: استانا اكىمدىگىنىڭ Instagram جەلىسىندەگى رەسمي اككاۋنتىنا (@akimat__astana) تىركەلۋ، Instagram جەلىسىندەگى ەكواكسيادا تۇسىرىلگەن ۆيدەونىڭ ءتۇپنۇسقاسىن جۇكتەپ، ونى #tazaAstana، #eco-actionAstana حەشتەگتەرىمەن بەلگىلەۋ قاجەت. پوست رەتىندە جاريالانۋى كەرەك، stories ەمەس).

بايقاۋ جەڭىمپازدارى 23 ساۋىردە انىقتالادى. ۆيدەونى كەز كەلگەن جەردە، ءتىپتى اۋلاڭىزدى تازالاۋ كەزىندە تۇسىرە الاسىز.

استانادا قالانىڭ بارلىق اۋدانىندا جالپى تازالىق جۇمىسى ءجۇرىپ جاتىر. كوپىرلەر، ماڭدايشالار، قورشاۋلار، ايالدامالار جۋىلادى، جوندەۋ-قالپىنا كەلتىرۋ جۇمىستارى جۇرگىزىلۋدە، گۇلزارلار، ساياباقتار، قوعامدىق ورىندار قوقىستان تازارتىلدى.

جول جۇمىستارى دا باستالىپ كەتتى. بيىل 200-دەن استام كوشەدەگى شۇڭقىرلاردى جوندەۋ جۇمىسى جۇرگىزىلسە، تاعى 50-دەن استام كوشە ورتاشا جوندەۋدەن وتەدى. سونداي-اق تروتۋارلاردى، اۋلالاردى، قوعامدىق ورىنداردى اباتتاندىرۋ جۇمىستارى جۇرگىزىلەدى.

ەستەرڭىزگە سالا كەتەيىك، بۇل اپتا «كيەلى مەكەن» دەپ اتالادى جانە تاريح جانە مادەنيەت ەسكەرتكىشتەرىنىڭ اۋماعىن اباتتاندىرۋ جۇمىستارىنا ارنالعان.

ەلوردادا تۇرعىندارىنىڭ بەلسەندىلىگىمەن تازالىق جۇرگىزىلىپ، مادەني مۇرا نىساندارىنىڭ قاسبەتتەرىن، ەسكەرتكىشتەر مەن ىرگەلەس اۋماقتاردى رەتكە كەلتىرۋ جۇمىستارى جۇرگىزىلدى.

«جاسىل ايماق» دەپ اتالاتىن ءۇشىنشى اپتا اعاش وتىرعىزۋعا، ەكپەلەردى اقتاۋعا ارنالادى.

4 مامىرعا دەيىنگى كەزەڭ – «ونەگەلى ۇرپاق»، ول ارداگەرلەر تۇراتىن اۋلالاردى جانە قارتتار ۇيلەرىنىڭ اۋماقتارىن تازالاۋعا جانە اباتتاندىرۋعا ارنالادى.

سوڭعى، بەسىنشى اپتا «ءمولدىر بۇلاق» دەپ اتالادى. بۇل اپتالىقتا سۋ ايدىندارى – وزەندەر مەن كولدەردىڭ اينالاسى قوقىستان تازارتىلادى.