Astanada qorshaǵan ortany qorǵaý men aýyl sharýashylyǵyn tiimdi damytý – qoǵamdaǵy mańyzdy máseleniń biri. Bul baǵyty damytýda úlkendermen qatar, jas býynnyń da belsendi áreketi qýantady. Atap aitqanda, Álimhan Ermekov atyndaǵy № 38 mektep-litseiiniń jas ónertapqyshtary Fariza Abdirei men Saian Sádýaqas usynǵan «Tańǵajaiyp kún energiiasynyń sýarý júiesi» atty joba ekologiia men agrosalada birqatar ózekti máseleni sheshýge baǵyttalǵan,- dep habarlaidy Dalanews.kz
Jobanyń basty maqsaty – sýdy únemdep qoldaný, topyraqtyń ylǵaldylyǵyn saqtaý jáne jańartylatyn kún energiiasyn tiimdi paidalaný. Eń bastysy, bul jobanyń tek qaǵaz júzindegi ideia emes, naqty tájiribeden ótip, iske qosylǵan júie ekenin atap ótken jón.
Jasóspirimder bul jobany júzege asyrý úshin biraz ýaqyt izdengen. Jetekshisi Anar Jazyqbaiqyzynyń qoldaýymen jobanyń syzbasyn jasap, qurylǵynyń maketin qurastyrǵan. Kún panelderi arqyly qýat alatyn bul júie topyraqqa dál mólshermen sý jetkizip, sýdyń ysyrap bolmaýyn qamtamasyz etedi.
«Tańǵajaiyp kún energiiasynyń sýarý júiesi – bizdiń armanymyzdan týǵan joba. Biz tabiǵatty qorǵaý jáne aýyl sharýashylyǵyn damytý jolyna óz úlesimizdi qosýdy armandadyq. Nátijesinde jobamyz dúniege keldi. Bul joba arqyly biz egin sharýashylyǵynda sýdy únemdeýdi, topyraqtyń ylǵalyn árdaiym saqtaýdy, kún energiiasyn tiimdi paidalanýdy maqsat ettik. Jetekshimizben birlese tájiribe jasap, únemi qurylǵynyń jumysyn jetildirýge tyrystyq. Osynyń arqasynda «Taza Qazaqstan» aktsiiasyna qatystyq, «ProEko» baiqaýynda 3-oryn ielensek, «Ǵylymdaǵy debiýt» konkýrsynda 2-oryn aldyq. Bul marapattar – bizdiń eńbegimizdiń jemisi jáne bolashaqqa degen senimimizdiń kúsheiýi», - deidi ónertapqyshtar.
Joba avtorlary bolashaqta bul júieni tek shaǵyn jer ýchaskelerinde ǵana emes, iri egistik alqaptarynda, agrokeshenderde de qoldanýdy josparlap otyr.
