Astana qalasyndaǵy Álimhan Ermekov atyndaǵy №38 mektep-litseiiniń jazǵy etnolagerinde erekshe ekologiialyq joba tanystyryldy. Oqýshylardyń tabiǵatty qorǵaýǵa baǵyttalǵan tyń ideiasy – «Eko-fontan» jobasy kópshiliktiń qyzyǵýshylyǵyn týdyrdy,- dep habarlaidy Dalanews.kz
Joba mekteptegi STEAM baǵyty men ekologiialyq tárbieniń ushtasqan naqty úlgisi bola bildi.
«Eko-fontan» – kún energiiasymen jumys isteitin, sýdy qaita ainalymǵa jiberetin innovatsiialyq júie. Fontan tabiǵi resýrstardy únemdep qana qoimai, qalalyq ortaǵa ekologiialyq jáne estetikalyq qundylyq qosady. Jobanyń negizgi maqsaty – sýdy jáne energiiany tiimdi paidalaný arqyly qorshaǵan ortany qorǵaý.
Fontannyń qurylymyna kelsek, kún panelderi arqyly qýat alatyn sorǵy júiesi sýdy qaita ainaldyrady. Sý ysyrapsyz paidalanylyp, qaita óńdeledi. Jasandy aǵashtar, sándik ósimdikter men tastar arqyly tabiǵi kórinis qalyptasady.
Oqýshylar bul jobanyń mańyzyn úsh baǵytpen negizdedi: sýdy únemdeý, energiiany tiimdi paidalaný, ekologiialyq mádenietti qalyptastyrý.
Eko-fontan – tek tehnikalyq jańalyq emes, bul – tabiǵatpen úilesimdi ómir súrýdi nasihattaityn tárbie quraly. Mektep aýlasynda, saiabaqtarda nemese qoǵamdyq oryndarda qoldanýǵa yńǵaily mundai jobalar elordanyń ekologiialyq kelbetin jaqsartýǵa da úles qosady.
Joba avtory Ánel Kenjehannyń aitýynsha, fontan arqyly balalar ekologiiany tek teoriialyq emes, praktikalyq túrde meńgerip, kún energiiasynyń tiimdiligin óz kózderimen kóre alady.
Bul bastama – jas urpaqtyń tabiǵatty qorǵaýǵa degen jaýapkershiligin arttyratyn naqty áreket. Osyndai jobalar arqyly elordalyq oqýshylar qorshaǵan ortany saqtaýǵa, jańashyl oilaý qabiletterin damytýǵa jáne turaqty damýǵa óz úlesterin qosýda.
