«AstanaGaz QMG» kompaniiasy («Samuryq-Qazyna» men Baiterek Venture Fund enshilesi) 2023 jyldyń qorytyndysy boiynsha dividend tólemeitin boldy. Jyl tabysty bolǵanyna qaramastan (2,4 mlrd teńge), ótken jylǵy shyǵyndardyń kesirinen kompaniia osyndai sheshimge kelgen.
6 mamyrda ótken aktsionerler jinalysynda «Aldyńǵy jyldardaǵy shyǵyndarǵa bailanysty 2023 jylǵy taza tabys bólinbeidi, qarapaiym aktsiialarǵa dividend tólenbeidi» degen bailam jasalǵan edi. Kompaniianyń qarjy esebi de bekitildi. Ótkizilgen aýditorlyq qarjy esebiniń derekterine súiensek, 2023 jyldyń 9 aiyndaǵy «AstanaGaz QMG» shyǵyny 34,3 mlrd teńge boldy. 2022 jyly bul soma 36,4 mlrd teńge bolǵan. Kompaniianyń jarǵylyq kapitaly 1 qańtarda — 84,9 mlrd teńge, jiyntyq aktivter — 249,1 mlrd teńge, jiyntyq mindettemeler — 197,7 mlrd teńge, saýda kólemi — 33,6 mlrd teńge, jalpy tabys — 21,2 mlrd teńge, taza tabys 2,4 mlrd teńge boldy.
Qyrkúiektiń sońynda «AstanaGazdyń» 30,3 mlrd teńge qysqamerzimdi qaryzy bolǵan edi. Al uzaqmerzimdi qaryzynyń mólsheri — 196,1 mlrd teńge. Bul jerde áńgime 2029 jylǵa deiin tólenýge tiis 102 mlrd teńge men 2033 jylǵa deiin berilýi kerek 85 mlrd teńge kólemindegi obligatsiialar týraly bolyp otyr. 2022 jyly qaryzdyń 14,4 mlrd teńgesi tólengen. Kompaniia obligatsiialar shyǵarýǵa qatysty sharttardy saqtaýǵa mindetti. Áitpese kreditorlar qaryzdy merziminen buryn jabýdy talap etýge quqyly.
Aitpaqshy,2023 jyldyń 9 aiynda kompaniianyń tórt top-menedjerine 98,9 mln teńge aqy tólengen. Onyń ishinde jalaqyǵa qosa syiaqylar da bar. 2022 jyly 163,3 mln bergen eken.
