Ásem qalamyzdyń aishyqty ádemiligi – biik shyń¬darymen kórikti.Alystan menmundalap kóz tartqan biiktikterdi baǵyndyrý ekiniń birinin qolynan kelmesi anyq.Alaida, Jetisýlyq jastar 7 shyńdy baǵyndyra aldy.
Jalpy shyńdardy baǵyndyrýǵa 3-4 ai ýaqyt ketken. Eń biigi Han Táńiri shyńy bolsa, qalǵany 1500 metrden joǵary «Labasy», «Tekeli» 2000 metr, «Fýrmanov» 3053 metr, «Panarama» 3260 metr, «Bashýta» 3353 metr,«Týrist» 3954 metrdi quraityn biiktikter.
Jas alpinister Almaty oblysynda taý týrizmin damytyp,salaýatty ómir saltyn qalyptastyrýdy negizgi maqsat etip otyr. Sondai-aq óńirdiń tarihy, etnografiiasyn zerttep «Jetisý geografiialyq qaýymdastyǵynyń»qorjynyń tyń aqparattarmen tolyqtyrýdy kózdeidi.
– Taýdyń tylsymǵa toly tabiǵaty talaiymyzdyń taǵatymyzdy qashyrǵanymen, biikke umtylǵan júrek soǵysy bizdi adastyrmady, alǵa jetelep, biikti baǵyndyrýǵa kúsh saldy. Joldyń tym aýyr ekendigin baiqadyq. Degenmen de, taýdyń adamdy taratatyn bir qasieti bar sekildi. Qansha alys, ári tym biikte bolsa da, biikke órleýden ishtei tartynbadyq. Sonyń nátijesi bolsa kerek, 20 myń metr biiktikke jetýdiń baqyty buiyrypty, – deidi «Jetisý georgrafiialyq qaýymdastyǵynyń» jetekshisi Ánýar Demegenov.
Aldaǵy ýaqytta uiym músheleri osy qarqynmen toqtap qalmai, týrizm aiasynda kóptegen is-sharalar uiymdastyrýdy josparlap otyr.
Baljan Qairatqyzy
