Astana ákimdigi LRT-men júrý tarifine qatysty usynys jariialady. Tiisti qujat "Ashyq NQA" portalynda ornalastyrylǵan. Qujat jobasyna sáikes, LRT jelisindegi bir jolǵy jolaqy 200 teńge bolýy múmkin, dep habarlaidy Dalanews.kz.
Bul baǵa elordadaǵy kádimgi qalalyq avtobýstardaǵy jolaqydan shamamen eki ese qymbat. Alaida qala mańyna qatynaityn jedel avtobýstardyń tarifinen sál tómen.
Jolaýshylar jol aqysyn ózderine yńǵaily tásilmen tólei alady. Iaǵni tólemdi qolma-qol da, qolma-qolsyz da júrgizýge múmkindik qarastyrylǵan.
Al mektep oqýshylary, zeinetkerler, kópbalaly analar jáne múmkindigi shekteýli azamattar LRT-men de tegin júre alady. Bul jeńildikter elordadaǵy basqa qoǵamdyq kólikterde qoldanylatyn tártippen birdei bolady.
