Ishki ister ministriniń orynbasary Sanjar Ádilov Astanada bolǵan atysta jaraqat alǵan politsiia qyzmetkeriniń jaǵdaiy men oqiǵanyń egjei-tegjeiin málimdedi, dep habarlaidy Dalanews.kz.
Onyń aitýynsha, atalǵan qylmystyq is boiynsha politsei qyzmettik aýysymyn aiaqtaǵannan keiin, kóshede qolynda myltyǵy bar adamdy baiqap, ony ustaý jáne zalalsyzdandyrý sharalaryn qabyldaǵan. Alaida kúdikti tártip saqshysynyń arqasyna oq atyp, jaraqattaǵan.
"Qazirgi ýaqytta qyzmetkerimiz em qabyldap jatyr. Alǵashqy kúnderi jansaqtaý bóliminde boldy", - dedi Ádilov.
Oqiǵa barysynda politsei kúdiktini qarýmen zalalsyzdandyrǵan. Keiin oqiǵa ornyna jetken basqa quqyq qorǵaý organdarynyń qyzmetkerleri kúdiktini ustaǵan.
IIM orynbasarynyń aitýynsha, sottyń sanktsiiasymen kúdikti kisi óltirýge oqtalý baby boiynsha qamaýǵa alynǵan.
Eske salaiyq, buǵan deiin áleýmettik jelilerde elordada atys bolǵany jáne jaraqat alǵan qyzmetkerdiń arnaiy qyzmet ókili bolýy múmkin ekeni týraly aqparat taraǵan edi.
