Qazaqstannyń kólik ministri Nurlan Saýranbaev Astanada jańa áýejaidyń qurylysy qashan bastalatynyn málimdedi, dep habarlaidy dalanews.kz.
Úkimet otyrysynda sóilegen ministrdiń aitýynsha, aldaǵy úsh jyl ishinde eldegi áýejai infraqurylymyn jańǵyrtý jumystary júrgiziledi. Onyń ishinde Astana áýejaiyn jańǵyrtý – basym baǵyttardyń biri.
«Áýejai infraqurylymyna qatysty aitsaq, aldaǵy úsh jyl ishinde ony jańǵyrtý jumystary júzege asyrylady. Buǵan deiin de aitylǵandai, Astana áýejaiyn jańǵyrtý – birinshi kezektegi mindet. Qazirgi ýaqytta qala ákimdigi qajetti daiyndyq jumystaryn júrgizip jatyr. Qurylysty kelesi jyly bastaý josparlanyp otyr», – dedi Nurlan Saýranbaev.
Eske salaiyq, keshe ótken Qazaqstan Parlamenti palatalarynyń birlesken otyrysynda Memleket basshysy Qasym-Jomart Toqaev Astanada jańa áýejai salýdy «keiinge qaldyrýǵa bolmaityn mindet» dep ataǵan bolatyn.
