Astana qalasynyń Jastar saiasaty máseleleri basqarmasynyń uiymdastyrýymen «Úzdik jas otbasy-2024» konkýrsy ótti, – dep habarlaidy Dalanews.kz Astana qalasy ákiminiń baspasóz qyzmetine silteme jasap.
Atalǵan baiqaýǵa qatysyp, sóz sóilegen Astana qalasy ákimdigi janyndaǵy Áielder isteri jáne otbasylyq-demografiialyq saiasat jónindegi komissiia tóraǵasynyń orynbasary Nazgúl Maqjanova Otannyń tutastyǵyn saqtaý ár otbasynyń tatýlyǵymen tyǵyz bailanysty ekenin atap ótti.
Astana – armanǵa qanat bitirip, jańa bastamalarǵa jol ashatyn múmkindikter mekeni anyq. Qalada qoǵamnyń ajyramas bóligi bolyp tabylatyn jas otbasylardyń sany kún saiyn artyp keledi. Olar tek bolashaqtyń irgetasyn qalaýshylar ǵana emes, sonymen qatar elordanyń áleýmettik jáne mádeni ómirin jandandyryp otyrǵan negizgi kúshterdiń biri.
Astanadaǵy jas otbasylardyń úzdik dep atalýy tek olardyń jetistikterimen ǵana ólshenbeidi. Bul mártebe jaýapkershilik, tatýlyq, qoǵamǵa qosqan úles jáne ózara qoldaý syndy qasiettermen bailanysty. Mundai otbasylar – qazirgi zamanǵy otbasy qundylyqtarynyń jarqyn úlgisi.
Qalanyń úzdik jas otbasylary kóbinese túrli salalarda eńbek etip, erekshe jetistikterge jetken jandar. Olar kásipkerlik, ǵylym, bilim berý, meditsina, mádeniet jáne sport siiaqty salalarda belsendi. Bul otbasylardyń basty ereksheligi – árdaiym bir-birine qoldaý kórsetý arqyly ortaq maqsattaryna qol jetkizý.
– Otbasy – kez kelgen memlekettiń tiregi, urpaq tárbiesiniń negizi. Týǵan elge, jerge degen súiispenshilik te, patriottyq sezim de otbasynan bastaý alady. Búgingi baiqaý da qajyrly eńbek, ónegeli tárbie, izgi dástúrler sabaqtastyǵyn laiyqty jalǵastyryp kele jatqan otbasylardy úlgi etýdi kózdeidi. Bul baiqaýǵa qatysýshylardyń barlyǵy – túrli salada jetistikke jetip, áýlet abyroiyn asyryp, qurmetke bólengender. Olar qashan da qoǵamnyń ainasy bola alady dep senemiz, – dedi Nazgúl Seiitqojaqyzy.
Baiqaýǵa qatysý úshin 60-tan astam otbasy ótinim bergen. Otbasylyq juptarǵa arnalǵan ziiatkerlik týrnirden iriktelip shyqqan 10 otbasy aqtyq kezeńge joldama alyp, «Úzdik jas otbasy» shyǵarmashylyq baiqaýynda baǵyn synady.
Baiqaýǵa Áielder isteri jáne otbasylyq-demografiialyq saiasat jónindegi komissiia tóraǵasynyń orynbasary Nazgúl Maqjanova, «Jaina Astana» qoǵamdyq birlestiginiń tóraǵasy Muhtar Erketaev, «Úzdik jas otbasy-2023» baiqaýynyń jeńimpazy Gaýhar Sádýaqasova jáne jastar uiymdarynyń jetekshileri qazylyq etti.
Qazylar alqasynyń sheshimimen Kóshenovter otbasy jeńimpaz bolyp tanylyp, 700 myń teńgeniń sertifikaty men bas júldege ie boldy. Al ekinshi oryn alǵan Endibaevtar otbasy 450 myń teńge, úshinshi oryndaǵy Sámetovter otbasy 350 myń teńgeni qanjyǵasyna bailady. Ózge qatysýshylardyń árqaisysyna 100 myń teńgeden aqshalai syilyq pen alǵys hat tabystaldy.
Astanada jas otbasylar úshin barlyq jaǵdai jasalǵan. Memleket tarapynan turǵyn úi baǵdarlamalary, jastarǵa arnalǵan jeńildikter, sondai-aq otbasylyq demalys oryndary men áleýmettik nysandardyń qoljetimdiligi osy sanattaǵy azamattardyń ómir súrý sapasyn arttyrýǵa baǵyttalǵan. Sonyń nátijesinde kóptegen jas otbasylar qalada óz bolashaǵyn josparlap, úlken maqsattarǵa umtylýda.
Úzdik jas otbasylardyń taǵy bir ereksheligi – olar dástúr men jańashyldyqty úilesimdi túrde bailanystyra biledi. Bir jaǵynan, olar ulttyq qundylyqtardy ustanyp, balalaryn ata-baba dástúrine sai tárbielese, ekinshi jaǵynan, zamanaýi tehnologiialar men innovatsiialardy meńgerip, ómir súrý daǵdysyn jańa deńgeige kóterýde. Bul úilesim olardy ózgelerden daralap, jas otbasylardyń naǵyz úlgisine ainaldyrady.
