استانا قالاسىنىڭ جاستار ساياساتى ماسەلەلەرى باسقارماسىنىڭ ۇيىمداستىرۋىمەن «ۇزدىك جاس وتباسى-2024» كونكۋرسى ءوتتى، – دەپ حابارلايدى Dalanews.kz استانا قالاسى اكىمىنىڭ باسپا ءسوز قىزمەتىنە سىلتەمە جاساپ.
اتالعان بايقاۋعا قاتىسىپ، ءسوز سويلەگەن استانا قالاسى اكىمدىگى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيا ءتوراعاسىنىڭ ورىنباسارى نازگۇل ماقجانوۆا وتاننىڭ تۇتاستىعىن ساقتاۋ ءار وتباسىنىڭ تاتۋلىعىمەن تىعىز بايلانىستى ەكەنىن اتاپ ءوتتى.
استانا – ارمانعا قانات ءبىتىرىپ، جاڭا باستامالارعا جول اشاتىن مۇمكىندىكتەر مەكەنى انىق. قالادا قوعامنىڭ اجىراماس بولىگى بولىپ تابىلاتىن جاس وتباسىلاردىڭ سانى كۇن سايىن ارتىپ كەلەدى. ولار تەك بولاشاقتىڭ ىرگەتاسىن قالاۋشىلار عانا ەمەس، سونىمەن قاتار ەلوردانىڭ الەۋمەتتىك جانە مادەني ءومىرىن جانداندىرىپ وتىرعان نەگىزگى كۇشتەردىڭ ءبىرى.
استاناداعى جاس وتباسىلاردىڭ ۇزدىك دەپ اتالۋى تەك ولاردىڭ جەتىستىكتەرىمەن عانا ولشەنبەيدى. بۇل مارتەبە جاۋاپكەرشىلىك، تاتۋلىق، قوعامعا قوسقان ۇلەس جانە ءوزارا قولداۋ سىندى قاسيەتتەرمەن بايلانىستى. مۇنداي وتباسىلار – قازىرگى زامانعى وتباسى قۇندىلىقتارىنىڭ جارقىن ۇلگىسى.
قالانىڭ ۇزدىك جاس وتباسىلارى كوبىنەسە ءتۇرلى سالالاردا ەڭبەك ەتىپ، ەرەكشە جەتىستىكتەرگە جەتكەن جاندار. ولار كاسىپكەرلىك، عىلىم، ءبىلىم بەرۋ، مەديسينا، مادەنيەت جانە سپورت سياقتى سالالاردا بەلسەندى. بۇل وتباسىلاردىڭ باستى ەرەكشەلىگى – ءاردايىم بىر-بىرىنە قولداۋ كورسەتۋ ارقىلى ورتاق ماقساتتارىنا قول جەتكىزۋ.
– وتباسى – كەز كەلگەن مەملەكەتتىڭ تىرەگى، ۇرپاق تاربيەسىنىڭ نەگىزى. تۋعان ەلگە، جەرگە دەگەن سۇيىسپەنشىلىك تە، پاتريوتتىق سەزىم دە وتباسىنان باستاۋ الادى. بۇگىنگى بايقاۋ دا قاجىرلى ەڭبەك، ونەگەلى تاربيە، ىزگى داستۇرلەر ساباقتاستىعىن لايىقتى جالعاستىرىپ كەلە جاتقان وتباسىلاردى ۇلگى ەتۋدى كوزدەيدى. بۇل بايقاۋعا قاتىسۋشىلاردىڭ بارلىعى – ءتۇرلى سالادا جەتىستىككە جەتىپ، اۋلەت ابىرويىن اسىرىپ، قۇرمەتكە بولەنگەندەر. ولار قاشان دا قوعامنىڭ ايناسى بولا الادى دەپ سەنەمىز، – دەدى نازگۇل سەيىتقوجا قىزى.
بايقاۋعا قاتىسۋ ءۇشىن 60-تان استام وتباسى ءوتىنىم بەرگەن. وتباسىلىق جۇپتارعا ارنالعان زياتكەرلىك تۋرنيردەن ىرىكتەلىپ شىققان 10 وتباسى اقتىق كەزەڭگە جولداما الىپ، «ۇزدىك جاس وتباسى» شىعارماشىلىق بايقاۋىندا باعىن سىنادى.
بايقاۋعا ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيا ءتوراعاسىنىڭ ورىنباسارى نازگۇل ماقجانوۆا، «جاينا استانا» قوعامدىق بىرلەستىگىنىڭ ءتوراعاسى مۇحتار ەركەتايەۆ، «ۇزدىك جاس وتباسى-2023» بايقاۋىنىڭ جەڭىمپازى گاۋحار ءسادۋاقاسوۆا جانە جاستار ۇيىمدارىنىڭ جەتەكشىلەرى قازىلىق ەتتى.
قازىلار القاسىنىڭ شەشىمىمەن كوشەنوۆتەر وتباسى جەڭىمپاز بولىپ تانىلىپ، 700 مىڭ تەڭگەنىڭ سەرتيفيكاتى مەن باس جۇلدەگە يە بولدى. ال ەكىنشى ورىن العان ەندىبايەۆتار وتباسى 450 مىڭ تەڭگە، ءۇشىنشى ورىنداعى سامەتوۆتەر وتباسى 350 مىڭ تەڭگەنى قانجىعاسىنا بايلادى. وزگە قاتىسۋشىلاردىڭ ءارقايسىسىنا 100 مىڭ تەڭگەدەن اقشالاي سىيلىق پەن العىس حات تابىستالدى.
استانادا جاس وتباسىلار ءۇشىن بارلىق جاعداي جاسالعان. مەملەكەت تاراپىنان تۇرعىن ءۇي باعدارلامالارى، جاستارعا ارنالعان جەڭىلدىكتەر، سونداي-اق وتباسىلىق دەمالىس ورىندارى مەن الەۋمەتتىك نىسانداردىڭ قولجەتىمدىلىگى وسى ساناتتاعى ازاماتتاردىڭ ءومىر ءسۇرۋ ساپاسىن ارتتىرۋعا باعىتتالعان. سونىڭ ناتيجەسىندە كوپتەگەن جاس وتباسىلار قالادا ءوز بولاشاعىن جوسپارلاپ، ۇلكەن ماقساتتارعا ۇمتىلۋدا.
ۇزدىك جاس وتباسىلاردىڭ تاعى ءبىر ەرەكشەلىگى – ولار ءداستۇر مەن جاڭاشىلدىقتى ۇيلەسىمدى تۇردە بايلانىستىرا بىلەدى. ءبىر جاعىنان، ولار ۇلتتىق قۇندىلىقتاردى ۇستانىپ، بالالارىن اتا-بابا داستۇرىنە ساي تاربيەلەسە، ەكىنشى جاعىنان، زاماناۋي تەحنولوگيالار مەن يننوۆاسيالاردى مەڭگەرىپ، ءومىر ءسۇرۋ داعدىسىن جاڭا دەڭگەيگە كوتەرۋدە. بۇل ۇيلەسىم ولاردى وزگەلەردەن دارالاپ، جاس وتباسىلاردىڭ ناعىز ۇلگىسىنە اينالدىرادى.
