Astana qalasynyń turǵyny «TikTok» áleýmettik jelisinde ózin «emshi» retinde tanystyryp, ekstrasensorlyq qabiletteri arqyly emdeý qyzmetterin usynǵan akkaýnt ashqan, dep habarlaidy Dalanews.kz.
Áleýmettik jeliler arqyly jábirlenýshilerdiń biriniń densaýlyǵyna qatysty máseleleri bar ekenin bilgen ol, ózin erekshe qabiletterge ie tulǵa retinde kórsetip, belgili bir aqyǵa «emdeý» qyzmetin kórsete alatynyna sendirgen.
Osylaisha, kináli 3 jábirlenýshiden jalpy somasy 5,5 mln teńgeden asatyn aqshalai qarajatty alaiaqtyq jolmen iemdenip, ony býkmekerlik keńselerde stavka jasaýǵa jumsaǵan.
Memlekettik aiyptaýshy sotta sottalýshynyń kinásin dáleldeitin barlyq dáleldemelerdi usyndy.
Sotta aiyptalýshy kinásin tolyq moiyndap, keltirilgen zalaldy ishinara ótegen.
Sot úkimimen kináli adam 2 jyl 4 ai merzimge bas bostandyǵynan aiyrý jazasyna sottaldy.
Úkim zańdy kúshine endi.
