Astanada politseiler rýhani tájiribeler ótkizip, Taro kartalarymen bal ashyp júrgen 54 jastaǵy áieldi ustady. Alaida tintý barysynda onyń qyzmeti tek ezoterikamen shektelmegeni belgili boldy, dep habarlaidy dalanews.kz.
Quqyq qorǵaý organdarynyń málimetinshe, áieldiń páterinen marihýana ósirilgen shaǵyn plantatsiia tabylǵan. Ósimdikterdi ósirý úshin ol jatyn bólmedegi kádimgi shkafty arnaiy jabdyqtap, jaryq shamdary men qajetti qurylǵylar ornatqan.
Tintý kezinde birneshe túp ósimdik tárkilendi. Sondai-aq meditsinalyq saraptama nátijesi páter iesiniń tekserý sátinde esirtkilik masań kúide bolǵanyn kórsetti.
Oqiǵaǵa bailanysty tiisti tergeý amaldary júrgizilip jatyr. Quqyq qorǵaý organdary zańsyz esirtki ósirý faktisiniń barlyq mán-jaiyn anyqtaýda.
