Astana qalasynyń ákimi Jeńis Qasymbek Instagram paraqshasynda jańadan ashylatyn mektepter jaily jazdy,- dep habarlaidy Dalanews.kz
«Qalanyń damý barysynda áleýmettik nysandardyń qurylysyna erekshe nazar aýdaramyz. Ótken oqý jylynda rekordty kólemde oqý oryndary salyndy. Atap aitqanda, 24 mektep paidalanýǵa berilip, 66 myń oqýshyǵa arnalǵan oryn (eki aýysymdy) ashyldy. Sol 24 mekteptiń 16-sy – jaily mektep.
QR Premer-ministriniń birinshi orynbasary Roman Skliarmen jáne oqý-aǵartý ministri Ǵani Beisembaevpen birge jaily mektepterdiń salyný barysymen tanystyq. Mektepter qalanyń barlyq aýdanynda ornalasady.
Jańa oqý jyly ishinde taǵy 15 mektep ashýdy josparlap otyrmyz. Onyń 7-eýi «jaily mektep» ulttyq jobasy aiasynda salynady. Bul jaily mektepter 28 myń oqýshyǵa arnalǵan oryn (eki aýysymdy) ashýǵa múmkindik beredi. Nátijesinde, 4 úsh aýysymdy jáne 7 shamadan tys toly mekteptiń problemasy sheshiledi.
Osylaisha, Memleket basshysynyń tapsyrmasy aiasynda Astanadaǵy jaily mektepterdiń jalpy sany 24-ke jetedi. Sonymen qatar, qalada balabaqshalar, oqýshylar saraiy jáne ózge de áleýmettik nysandar salynyp jatyr», – dep jazdy Jeńis Qasymbek.
