Jaz maýsymy bastalýymen elordanyń sý aidyndarynda azamattardyń qaýipsizdigin qamtamasyz etý jumysy jandandy. Jyl saiyn sý jaǵasynda demalýshylar sanynyń artýyn eskere otyryp, Astanada tótenshe jaǵdailardyń aldyn alýǵa jáne halyq arasynda qaýipsiz minez-qulyq mádenietin qalyptastyrýǵa baǵyttalǵan keshendi aldyn alý sharalary júzege asyrylýda. Bul týraly Kommýnikatsiialar qyzmetinde ótken brifingte qalalyq TJD tótenshe jaǵdailardy joiý basqarmasynyń bastyǵy Baýyrjan Ahmetalin málimdedi,- dep habarlaidy Dalanews.kz
Qala aýmaǵynda shomylýǵa ruqsat etilgen bes resmi sý aidyny anyqtalǵan. Olar – Ortalyq qalalyq jaǵajai; «Tri peskaria», «Stolichnyi dvor» jáne «Armina» demalys oryndary, Sh.Beisekova kóshesindegi kópir mańyndaǵy kommýnaldyq jaǵajai.
Sonymen qatar, azamattardyń ómiri men densaýlyǵyna tónetin qaýipterdiń aldyn alý maqsatynda shomylýǵa qatań tyiym salynǵan 21 ýchaske belgilengen. Bul aýmaqtar qutqarý beketterimen, tehnikalyq quraldarmen jabdyqtalmaǵan, tiisti tekserýden ótpegen jáne ádette, táýekel deńgeii joǵary.
Barlyq is-sharalardy úilestirýdi qalalyq Tótenshe jaǵdailar departamenti júzege asyrady. Búgingi tańda qaýipsizdikti qamtamasyz etý maqsatynda 20 sý aidynynda 3 statsionarlyq beket pen 16 patrýldik top ornalastyrylǵan. Olardyń quramynda jumyldyrylǵandar:
• 59 qutqarýshy qyzmetker;
• 9 júzý quraly;
• 5 birlik jerústi tehnikasy.
Sý aidyndarynyń asa qaýipti ýchaskeleri (Sh. Beisekova kóshesindegi kópir mańy, Telman turǵyn úi massivi jáne Kontrrettegish aýdany) qosymsha mobildi qutqarý beketterimen baqylanady. Jaiaý patrýlder kún saiyn saǵat 09:00-den 21:00-ge deiin jumys istese, sý betindegi patrýldeý táýlik boiy júrgiziledi.
Shomylý maýsymy bastalǵaly beri halyq arasynda belsendi aqparattyq-túsindirý júrgizilýde. Qutqarýshylar túsindirý jumysyn ótkizip, jadynamalar taratyp, sýdaǵy qaýipsizdik erejelerin eske salady.
Balalar arasyndaǵy profilaktikaǵa erekshe kóńil bólinedi. Jazǵy demalys bastalǵanǵa deiin M. Ótemisov atyndaǵy Oqýshylar saraiy bazasynda qala mektepteriniń direktorlary men muǵalimderiniń qatysýymen seminar-keńes ótkizildi. Sondai-aq, kóshpeli sabaqtar, qaýipsizdik boiynsha interaktivti sabaqtar men ata-analar jinalystaryna qatysý uiymdastyryldy.
Qalalyq prokýratýramen birlesip, Esil ózeniniń arnasy zerttelip, resmi jaǵajai aimaqtaryndaǵy sý túbi tekserildi. Ishki ister organdarymen jáne eriktilermen ózara is-qimyl kúsheitildi: shomylý erejelerin buzý faktilerin anyqtaý boiynsha reidter turaqty túrde uiymdastyrylady.
Mundai jumystardyń nátijesi baiqala bastady. Jaz basynan beri QR ÁQBtK-niń 412-baby boiynsha jalpy somasy 233 954 teńgege 17 azamat ákimshilik jaýapkershilikke tartyldy. Onyń 5 jaǵdaiy balalardy sý jaǵasynda qaraýsyz qaldyrýmen bailanysty.
Sonymen qatar, patrýldeý barysynda 9 adam qutqaryldy, onyń 5-eýi – balalar. Bul oqiǵalar tótenshe jaǵdailardyń aldyn alýda turaqty baqylaý men jedel áreket etýdiń mańyzdylyǵyn taǵy bir márte kórsetedi.
Ruqsat etilmegen sý aidyndarynda qaiǵyly jaǵdailardyń aldyn alý maqsatynda 250-den astam eskertý belgisi men 20 aqparattyq stend ornatyldy.
Qutqarý qyzmetteri men jergilikti bilik ókilderi elordalyqtardy jáne qala qonaqtaryn qarapaiym qaýipsizdik erejelerin saqtaýǵa jáne shomylýǵa tyiym salynǵan aýmaqtarda ómirlerin qaterge tikpeýge shaqyrady.
