Astanada Satybaldyulyna qatysty taǵy bir sot ótip jatyr, - dep habarlaidy Dalanews.kz.
Qairat Satybaldyulyna qatysty jańa sot otyrysy Astanada qylmystyq ister jónindegi aýdanaralyq sotta ótip jatyr.
Bul joly Nursultan Nazarbaevtyń nemere inisi Qylmystyq jolmen alynǵan aqshany zańdastyrdy (jylystatty) dep aiyptalýda.
Buǵan deiin Almatynyń ortalyǵyndaǵy Double Tree by Hilton Almaty qonaqúii bir kezderi kásipker Sholpan Qaraneevadan reiderlik jolmen tartyp alynǵan. Qonaqúi Qairat Satybaldynynyń qolyna túsip úlgergen bolatyn. Bul kezde eks-prezident Nursultan Nazarbaevtyń nemere inisi túrmede otyrǵan. Tergeýde jáne ýaqytsha ustaý izoliatorynda bolǵanyna qaramastan, ol qujattarǵa qol qoiyp, qonaqúige qol jetkizgen. Kásipker Sholpan Qaraneeva men advokaty Asqar Ýteshov Satybaldyuly reiderlik shabýyldy qalai jasaǵanyn baiandap bergen bolatyn.
Aita keteiik,2022 jyly naýryzda Satybaldyuly shetelge qashyp bara jatqan jerinen ustalǵan bolatyn. Búginde ol birneshe bap boiynsha aiyptalyp, múlki tárkilenip, alty jylǵa bas bostandyǵynan aiyryldy.
2023 jyly jeltoqsanda Qairat Satybaldyuly 55 milliard teńgeden asa aqshany memleketke qaitarǵan bolatyn. Antikor Qairat Satybaldyulyna jáne basqa da adamdarǵa qatysty júrgizilip jatqan tergerý sheńberinde elden zańsyz shyǵarylǵan aktivterdi, onyń ishinde qylmystyq jolmen alynǵan aqshany jáne ózge de múlikti qaitaryp jatqanyn habarlaǵan bolatyn.
Keiinnen Satybaldyulyna qatysty sotqa deiingi tergeý amaldary aiasynda biyl aqpan aiynda biýdjetke taǵy da shamamen 82,6 milliard teńge (185 mln AQSh dollary) tústi. Budan bólek, Aqmola oblysynyń Qosshy qalasyndaǵy 942 gektar jer ýchaskesi memleketke qaitaryldy. Onyń naryqtyq quny 13 milliard teńgeden asady.
