Astanada rekordty kólemde mektepter salyndy. Oqý jylynyń basynda 18 mektep salynyp, ashyldy. Olardyń bir bóligi – «Jaily mektep» ulttyq jobasy aiasynda. Bul týraly OKQ brifinginde Astana ákimi Jeńis Qasymbek málim etti, – dep habarlaidy Dalanews.kz.
– Qala turǵyndarynyń ósýin eskere otyryp, áleýmettik nysandarǵa qajettilik artyp keledi. Ózderińiz biletindei, biz áleýmettik nysandardyń qurylys kólemin edáýir arttyrdyq. Máselen, jańa oqý jylynda 18 mektep salyndy. Olardyń 11-i Memleket basshysynyń tapsyrmasy boiynsha «Jaily mektep» ulttyq jobasy aiasynda boi kóterdi, – dedi elorda ákimi Jeńis Qasymbek.
Oqý oryndary qalanyń barlyq aýdanynda, sonyń ishinde turǵyn alaptarda da salynyp jatyr. Mysaly, jeltoqsan aiynda Úrker turǵyn alabynda jańa úlgidegi mektep ashyldy. Oqý orny eki aýysymda 4 myń oqýshy ornyna eseptelgen. Qazirgi ýaqytta №69 mektep-litseiinde balalar úsh aýysymda oqidy. Osylaisha, jańa mektep tolyp ketý máselesin sheshedi. Balalar jańa mektepte úshinshi toqsannan bastap oqidy.
Astanada osy jyldyń sońyna deiin taǵy birneshe mektep ashý josparlanyp otyr. Sondai-aq, aldaǵy jyldarǵa da daiyndyq júrip jatyr. Mysaly, 2025 jyly taǵy 20-dan astam mektep salynyp, paidalanýǵa berý josparlanyp otyr.
