Astanada qurylysy 11 jylǵa sozylǵan taǵy bir nysan aiaqtaldy. «Future home» kóppáterli turǵyn úi kesheniniń qurylysy 2013 jyly bastalǵan. Nysannyń ózi 2017 jyly problemaly dep tanyldy.
Úleskerler sany 200-ge jýyq otbasyny quraidy. Bul týraly elorda ákimi Jeńis Qasymbek Instagram akkaýntynda jazdy, dep habarlaidy Astana ákimdiginiń resmi saity.
«Nysandy EQK-ge ótkizý kezinde 4 jáne 7 qabattary ǵana salynǵan. Bul úidi aiaqtaý úshin kóptegen júieli jumystar, onyń ishinde injenerlik jeliler boiynsha da jumystar júrgizildi. Búgin tórt bloktyń turǵyndaryna páter kilti tabystaldy. Al besinshi bloktyń úleskerleri jaqyn arada baspanaly bolady.
Osyǵan deiin memlekettiń qoldaýynyń arqasynda qurylysy uzaqqa sozylǵan 140-tan astam turǵyn úi kesheni aiaqtaldy. Osylaisha 15,5 myńǵa jýyq úlesker otbasynyń problemasy sheshildi.
Biylǵa qurylysy uzaqqa sozylǵan 10 úi qalady. Olardy osy jyldyń 1-2 toqsanynda aiaqtaimyz. Árbir nysan boiynsha qadamdyq is-sharalar jospary bar. Qurylysy uzaqqa sozylǵan nysandardyń aiaqtalýy Memleket basshysynyń baqylaýynda», - dep jazdy elorda ákimi.
