استانادا قۇرىلىسى 11 جىلعا سوزىلعان تاعى بٸر نىسان اياقتالدى. «Future home» كٶپپەتەرلٸ تۇرعىن ٷي كەشەنٸنٸڭ قۇرىلىسى 2013 جىلى باستالعان. نىساننىڭ ٶزٸ 2017 جىلى پروبلەمالى دەپ تانىلدى.
ٷلەسكەرلەر سانى 200-گە جۋىق وتباسىنى قۇرايدى. بۇل تۋرالى ەلوردا ەكٸمٸ جەڭٸس قاسىمبەك Instagram اككاۋنتىندا جازدى, دەپ حابارلايدى استانا ەكٸمدٸگٸنٸڭ رەسمي سايتى.
«نىساندى ەقك-گە ٶتكٸزۋ كەزٸندە 4 جەنە 7 قاباتتارى عانا سالىنعان. بۇل ٷيدٸ اياقتاۋ ٷشٸن كٶپتەگەن جٷيەلٸ جۇمىستار, ونىڭ ٸشٸندە ينجەنەرلٸك جەلٸلەر بويىنشا دا جۇمىستار جٷرگٸزٸلدٸ. بٷگٸن تٶرت بلوكتىڭ تۇرعىندارىنا پەتەر كٸلتٸ تابىستالدى. ال بەسٸنشٸ بلوكتىڭ ٷلەسكەرلەرٸ جاقىن ارادا باسپانالى بولادى.
وسىعان دەيٸن مەملەكەتتٸڭ قولداۋىنىڭ ارقاسىندا قۇرىلىسى ۇزاققا سوزىلعان 140-تان استام تۇرعىن ٷي كەشەنٸ اياقتالدى. وسىلايشا 15,5 مىڭعا جۋىق ٷلەسكەر وتباسىنىڭ پروبلەماسى شەشٸلدٸ.
بيىلعا قۇرىلىسى ۇزاققا سوزىلعان 10 ٷي قالادى. ولاردى وسى جىلدىڭ 1-2 توقسانىندا اياقتايمىز. ەربٸر نىسان بويىنشا قادامدىق ٸس-شارالار جوسپارى بار. قۇرىلىسى ۇزاققا سوزىلعان نىسانداردىڭ اياقتالۋى مەملەكەت باسشىسىنىڭ باقىلاۋىندا», - دەپ جازدى ەلوردا ەكٸمٸ.
