Astanada qoǵamdyq orynda dabyl tapanshasynan oq atqan er adam jaýapqa tartyldy, dep habarlaidy dalanews.kz.
Politsiia qyzmetkerleri kólik salonynda otyryp, dabyl tapanshasynan aýaǵa eki ret oq atqan 29 jastaǵy er adamdy anyqtap, ustady.
Tekseris barysynda quqyq buzýshy bul áreketti jasaǵan kezde alkogoldik masań kúide bolǵany belgili boldy. Quqyq buzýshyǵa qatysty qoldanystaǵy zańnamaǵa sáikes tiisti sharalar qabyldandy.
Qoǵamdyq orynda mas kúiinde júrgeni úshin oǵan ákimshilik jaýapkershilik júkteldi. Al qarýdy zańsyz saqtaý jáne alyp júrý deregi boiynsha jinalǵan ákimshilik material sottyń qaraýyna joldandy.
"Sonymen qatar, sot qaýlysymen usaq buzaqylyq jasaǵany úshin quqyq buzýshyǵa 10 táýlik merzimge ákimshilik qamaqqa alý jazasy taǵaiyndaldy", - dedi politsiia.
