Elordada qoǵamdyq kólikte jolaqysyn tólemeý boiynsha 233 myńǵa jýyq derek tirkelgen. Jolaýshylardyń bir bóligine aiyppul salynǵan. 2025 jylǵy qańtar-qarasha ailary aralyǵynda Astanada qoǵamdyq kólikte jolaqysyn tólemegen jolaýshylar 147 mln teńgeden asa aiyppul arqalaǵan. Bul týraly BES.media jazdy, dep habarlaidy Dalanews.kz.
18 703 jolaýshyǵa ákimshilik hattama toltyrylyp, aiyppul salynǵan. Ákimdik ókilderi qala mańyndaǵy baǵyttarǵa, sonyń ishinde Qosshy baǵytyna turaqty monitoring júrgiziletinin aitty. Kóliktik baqylaý departamenti, baqylaý qyzmetiniń mamandary QR túbirtekter bolýyn jáne kólik kartalaryn tekseredi.
2025 jylǵy 1-3 qarasha aralyǵynda Aqmola oblysy Politsiia departamentimen birlesip júrgizilgen reid barysynda 279 jolaýshyǵa 2 194 056 teńge aiyppul salynǵan.
- Ákimshilik quqyqbuzýshylyq týraly kodekstiń 622-baby 2-bóligine sáikes jolaqysyn tóleýden jaltarý 2 AEK (8650 teńge) kóleminde aiyppulǵa ákep soǵady.
- Qalalyq jáne qala mańyndaǵy avtobýstardy paidalaný erejelerin buzǵany úshin 1 AEK (4325 teńge) kóleminde aiyppul qarastyrylǵan.
