Qazaqstannyń jer qoınaýyn paıdalanýshylary elishilik qundylyqty damytý boıynsha jańa tásilderdi usynady, naqty ekonomıka salalarynyń qajettilikteri úshin TJQ óndirisin oqshaýlaýdy damytý jónindegi paıym aıtylady, al halyqaralyq ınvestorlar men sarapshylar taýken-metallýrgıa keshenindegi (budan ári – TMK) qazaqstandyq qamtý úlesin arttyrý jónindegi pármendi sheshimderdi ázirleý úshin tájirıbesimen bólisedi. Otandyq taýar óndirýshilerdiń biryńǵaı tizilimin qurý, CT-KZ sertıfıkatyn reformalaý, retteletin satyp alý salasyndaǵy zańnama, TMK salasyn damytý, kólik, energetıka syndy sabaqtas salalardaǵy ózekti taqyryptar talqylanady.
Forým alańynda jer qoınaýyn paıdalanýshylardyń satyp alýy boıynsha jańa sıfrlyq analıtıkalyq alańnyń tanystyrylymy ótedi. Atap aıtqanda, alań TMK kásiporyndarynyń TJQ-ǵa ózekti suranysyna monıtorıń júrgizýge jáne taý-ken sektorynyń qajettilikterine ónim shyǵarýǵa daıyn otandyq óndirýshilerdi izdeýge múmkindik beredi. Júıeni ázirleýdi «Atameken» UKP QR Ónerkásip jáne qurylys mınıstrligimen, taý-ken metalýrgıa kesheni kásiporyndarymen jáne otandyq taýar óndirýshilermen birlesip júrgizýde. Usynylǵan mehanızm jumysynyń alǵashqy nátıjelerin forýmda tanystyrý josparlanyp otyr.
Spıkerler retinde «Atameken»UKP Tóralqa tóraǵasy Raıymbek Batalov, Fortescue Metals Group Dırektorlar keńesiniń tóraǵasy Endrú Forrest, «Xcalibur Multiphysics» bas dırektory Andres Blanko, «Rio tinto» bas dırektory Iakob Staýsholm, «Qazaqstan mashına jasaýshylar odaǵy» ZTB Basqarma tóraǵasy Meıram Pishembaev, QR Ónerkásip jáne qurylys mınıstri Qanat Sharlapaev, QR Saýda jáne ıntegrasıa mınıstri Arman Shakqalıev, otandyq kásiporyndardyń basshylary qatysady.
İs-shara sheńberinde óndiristi lokalızasıalaý boıynsha sıfrlyq kórme ótkizý josparlanǵan. Onda jer qoınaýyn paıdalanýshy kásiporyndar men OTÓ-niń aǵymdaǵy jáne jańa jobalary tanystyrylady, sondaı-aq jer qoınaýyn paıdalanýshylar men jergilikti óndirýshilerdiń óndiristik qýattaryn keńeıtý jónindegi josparlar jarıa etiledi. Forýmnyń praktıkalyq nátıjeleriniń biri QR Úkimeti men UKP usynǵan TMK salasyndaǵy jańa tásilderdi eskere otyryp uzaq merzimdi negizde memorandýmdar men kelisimderge qol qoıý bolmaq.
Forým kóptegen dıalog alańdaryn ashady jáne B2B jáne G2B kezdesýlerin qamtıdy. İs-sharaǵa elimizdiń barlyq óńirlerinen 2000-ǵa jýyq delegat qatysady dep kútilýde.
Forým ótetin oryn: Astana qalasy Saýran kóshesi 44, Expo kongres ortalyǵy.
Ýaqyty: saǵat 10.00. Tirkelý: saǵat 09.00
Saıtqa silteme: www.klmf2023.kz
Forým uıymdastyrýshylary – «Atameken» Ulttyq kásipkerler palatasy, QR Ónerkásip jáne qurylys mınıstrligi.
Birlesken uıymdastyrýshylar – «Taý-ken óndirý jáne taý-ken metalýrgıa kásiporyndarynyń respýblıkalyq qaýymdastyǵy» ZTB
Bas seriktester – «Qazaqmys» korporasıasy» JSHS, «Kazsınk» JSHS, Eurasian Resources Group (ERG), «KAZ Minerals Management» JSHS, KPMG.
