قازاقستاننىڭ جەر قويناۋىن پايدالانۋشىلارى ەلىشىلىك قۇندىلىقتى دامىتۋ بويىنشا جاڭا تاسىلدەردى ۇسىنادى، ناقتى ەكونوميكا سالالارىنىڭ قاجەتتىلىكتەرى ءۇشىن تجق ءوندىرىسىن وقشاۋلاۋدى دامىتۋ جونىندەگى پايىم ايتىلادى، ال حالىقارالىق ينۆەستورلار مەن ساراپشىلار تاۋكەن-مەتاللۋرگيا كەشەنىندەگى (بۇدان ءارى – تمك) قازاقستاندىق قامتۋ ۇلەسىن ارتتىرۋ جونىندەگى پارمەندى شەشىمدەردى ازىرلەۋ ءۇشىن تاجىريبەسىمەن بولىسەدى. وتاندىق تاۋار وندىرۋشىلەردىڭ ءبىرىڭعاي ءتىزىلىمىن قۇرۋ، CT-KZ سەرتيفيكاتىن رەفورمالاۋ، رەتتەلەتىن ساتىپ الۋ سالاسىنداعى زاڭناما، تمك سالاسىن دامىتۋ، كولىك، ەنەرگەتيكا سىندى ساباقتاس سالالارداعى وزەكتى تاقىرىپتار تالقىلانادى.
فورۋم الاڭىندا جەر قويناۋىن پايدالانۋشىلاردىڭ ساتىپ الۋى بويىنشا جاڭا سيفرلىق اناليتيكالىق الاڭنىڭ تانىستىرىلىمى وتەدى. اتاپ ايتقاندا، الاڭ تمك كاسىپورىندارىنىڭ تجق-عا وزەكتى سۇرانىسىنا مونيتورينگ جۇرگىزۋگە جانە تاۋ-كەن سەكتورىنىڭ قاجەتتىلىكتەرىنە ءونىم شىعارۋعا دايىن وتاندىق وندىرۋشىلەردى ىزدەۋگە مۇمكىندىك بەرەدى. جۇيەنى ازىرلەۋدى «اتامەكەن» ۇكپ ق ر ونەركاسىپ جانە قۇرىلىس مينيسترلىگىمەن، تاۋ-كەن مەتاللۋرگيا كەشەنى كاسىپورىندارىمەن جانە وتاندىق تاۋار وندىرۋشىلەرمەن بىرلەسىپ جۇرگىزۋدە. ۇسىنىلعان مەحانيزم جۇمىسىنىڭ العاشقى ناتيجەلەرىن فورۋمدا تانىستىرۋ جوسپارلانىپ وتىر.
سپيكەرلەر رەتىندە «اتامەكەن»ۇكپ ءتورالقا ءتوراعاسى رايىمبەك باتالوۆ، Fortescue Metals Group ديرەكتورلار كەڭەسىنىڭ ءتوراعاسى ەندريۋ فوررەست، «Xcalibur Multiphysics» باس ديرەكتورى اندرەس بلانكو، «Rio tinto» باس ديرەكتورى ياكوب ستاۋسحولم، «قازاقستان ماشينا جاساۋشىلار وداعى» زتب باسقارما ءتوراعاسى مەيرام پىشەمبايەۆ، ق ر ونەركاسىپ جانە قۇرىلىس ءمينيسترى قانات شارلاپايەۆ، ق ر ساۋدا جانە ينتەگراسيا ءمينيسترى ارمان شاكقالييەۆ، وتاندىق كاسىپورىنداردىڭ باسشىلارى قاتىسادى.
ءىس-شارا شەڭبەرىندە ءوندىرىستى لوكاليزاسيالاۋ بويىنشا سيفرلىق كورمە وتكىزۋ جوسپارلانعان. وندا جەر قويناۋىن پايدالانۋشى كاسىپورىندار مەن ءوتو-نىڭ اعىمداعى جانە جاڭا جوبالارى تانىستىرىلادى، سونداي-اق جەر قويناۋىن پايدالانۋشىلار مەن جەرگىلىكتى وندىرۋشىلەردىڭ وندىرىستىك قۋاتتارىن كەڭەيتۋ جونىندەگى جوسپارلار جاريا ەتىلەدى. فورۋمنىڭ پراكتيكالىق ناتيجەلەرىنىڭ ءبىرى ق ر ۇكىمەتى مەن ۇكپ ۇسىنعان تمك سالاسىنداعى جاڭا تاسىلدەردى ەسكەرە وتىرىپ ۇزاق مەرزىمدى نەگىزدە مەموراندۋمدار مەن كەلىسىمدەرگە قول قويۋ بولماق.
فورۋم كوپتەگەن ديالوگ الاڭدارىن اشادى جانە B2B جانە G2B كەزدەسۋلەرىن قامتيدى. ءىس-شاراعا ەلىمىزدىڭ بارلىق وڭىرلەرىنەن 2000-عا جۋىق دەلەگات قاتىسادى دەپ كۇتىلۋدە.
فورۋم وتەتىن ورىن: استانا قالاسى ساۋران كوشەسى 44، Expo كونگرەسس ورتالىعى.
ۋاقىتى: ساعات 10.00. تىركەلۋ: ساعات 09.00
سايتقا سىلتەمە: www.klmf2023.kz
فورۋم ۇيىمداستىرۋشىلارى – «اتامەكەن» ۇلتتىق كاسىپكەرلەر پالاتاسى، ق ر ونەركاسىپ جانە قۇرىلىس مينيسترلىگى.
بىرلەسكەن ۇيىمداستىرۋشىلار – «تاۋ-كەن ءوندىرۋ جانە تاۋ-كەن مەتاللۋرگيا كاسىپورىندارىنىڭ رەسپۋبليكالىق قاۋىمداستىعى» زتب
باس سەرىكتەستەر – «قازاقمىس» كورپوراسياسى» ج ش س، «كازسينك» ج ش س، Eurasian Resources Group (ERG)، «KAZ Minerals Management» ج ش س، KPMG.
