Astanada 5 myńnan astam qala turǵyny men qonaǵy qatysqan dástúrli BI Marathon qaıyrymdylyq jarysy ótti, dep habarlaıdy Dalanews.kz
Jarys sport pen izgilikti biriktirip, salaýatty ómir saltyn nasıhattaýmen qatar, qatysýshylar tazalyqqa da beıjaı qaramaı, «Taza Qazaqstan» ekologıalyq aksıasyna belsendi túrde atsalysty.
«Biz qalamyzda tazalyqty saqtaý mádenıetin qalyptastyrǵymyz keledi. Sondyqtan búgin aýa raıynyń qolaısyzdyǵyna qaramastan, saıabaqtyń aınalasyn kúl-qoqystan tazartýǵa úlesimizdi qostyq. Bul is-sharadan jastardyń qalys qalmaǵanyn qalaımyn. Óskeleń urpaq qorshaǵan ortanyń tazalyǵyna beıjaı qaramaýy qajet dep oılaımyn», – dedi eriktilerdiń biri.
«10 shaqyrymdy 1 saǵatta júgirip óttim. Jańbyr jaýsa da, kóńil kúı tamasha. Mundaı jarysqa alǵash ret qatysyp turmyn. Jarys jaqsy uıymdastyrylǵan. Júgiristen keıin bizge palaý men baýyrsaq berildi. Eń bastysy — ár qatysýshy óz qoqysyn jınap, aınalany taza qaldyrdy. Osyndaı sharalarǵa aldaǵy ýaqytta da qatysa beremin», – dedi qatysýshylardyń biri.
Marafonnan túsken barlyq qarajat «BI Juldyzaı» qaıyrymdylyq qoryna joldandy. Sporttyq shara Astana turǵyndary men qonaqtary úshin jarqyn ári maǵynaly merekege aınaldy.
BI Marathon elordamyzdyń turǵyndary men qonaqtary úshin jarqyn sporttyq merekege aınaldy. Marafon qashyqtyǵy 10, 21 shaqyrymdy qurady. Al eń kishkentaı qatysýshylar 400 m jáne 1 shaqyrymda júgirdi.
