استانادا 5 مىڭنان استام قالا تۇرعىنى مەن قوناعى قاتىسقان دەستٷرلٸ BI Marathon قايىرىمدىلىق جارىسى ٶتتٸ, دەپ حابارلايدى Dalanews.kz
جارىس سپورت پەن ٸزگٸلٸكتٸ بٸرٸكتٸرٸپ, سالاۋاتتى ٶمٸر سالتىن ناسيحاتتاۋمەن قاتار, قاتىسۋشىلار تازالىققا دا بەيجاي قاراماي, «تازا قازاقستان» ەكولوگييالىق اكتسيياسىنا بەلسەندٸ تٷردە اتسالىستى.
«بٸز قالامىزدا تازالىقتى ساقتاۋ مەدەنيەتٸن قالىپتاستىرعىمىز كەلەدٸ. سوندىقتان بٷگٸن اۋا رايىنىڭ قولايسىزدىعىنا قاراماستان, ساياباقتىڭ اينالاسىن كٷل-قوقىستان تازارتۋعا ٷلەسٸمٸزدٸ قوستىق. بۇل ٸس-شارادان جاستاردىڭ قالىس قالماعانىن قالايمىن. ٶسكەلەڭ ۇرپاق قورشاعان ورتانىڭ تازالىعىنا بەيجاي قاراماۋى قاجەت دەپ ويلايمىن», – دەدٸ ەرٸكتٸلەردٸڭ بٸرٸ.
«10 شاقىرىمدى 1 ساعاتتا جٷگٸرٸپ ٶتتٸم. جاڭبىر جاۋسا دا, كٶڭٸل كٷي تاماشا. مۇنداي جارىسقا العاش رەت قاتىسىپ تۇرمىن. جارىس جاقسى ۇيىمداستىرىلعان. جٷگٸرٸستەن كەيٸن بٸزگە پالاۋ مەن باۋىرساق بەرٸلدٸ. ەڭ باستىسى — ەر قاتىسۋشى ٶز قوقىسىن جيناپ, اينالانى تازا قالدىردى. وسىنداي شارالارعا الداعى ۋاقىتتا دا قاتىسا بەرەمٸن», – دەدٸ قاتىسۋشىلاردىڭ بٸرٸ.
مارافوننان تٷسكەن بارلىق قاراجات «BI جۇلدىزاي» قايىرىمدىلىق قورىنا جولداندى. سپورتتىق شارا استانا تۇرعىندارى مەن قوناقتارى ٷشٸن جارقىن ەرٸ ماعىنالى مەرەكەگە اينالدى.
BI Marathon ەلوردامىزدىڭ تۇرعىندارى مەن قوناقتارى ٷشٸن جارقىن سپورتتىق مەرەكەگە اينالدى. مارافون قاشىقتىعى 10, 21 شاقىرىمدى قۇرادى. ال ەڭ كٸشكەنتاي قاتىسۋشىلار 400 م جەنە 1 شاقىرىمدا جٷگٸردٸ.
